У Жодзіне з 2 кастрычніка па рашэнні гарвыканкама пачалося падключэнне ацяплення ў дзіцячых садках, школах і сацыяльных установах. Але дамы па-ранейшаму застаюцца халоднымі. «Па раніцах холадна да дрыжыкаў, а ўвечары хочацца літаральна абняць кацёл», — піша наш чытач з Жодзіна Дзяніс.
Уключаць ацяпленне пры паніжэнні тэмператур вонкавага паветра будуць у наступнай чарговасці:
— у дзіцячых садках, школах, паліклініках, бальніцах, лячэбна-прафілактычных і спецыялізаваных вучэбна-спартыўных установах – пры сярэдняй тэмпературы на працягу 3 сутак запар +10 градусаў і ніжэй (раней – на працягу 5 сутак);
— у жылых дамах, інтэрнатах – пры сярэднесутачнай тэмпературы на працягу 3 сутак запар +8 градусаў і ніжэй (раней – на працягу 5 сутак);
— для адміністрацыйных і прамысловых будынкаў нічога не зменіцца — у іх ацяпленне падключаць пасля жылога сектару.
Жыхар Жодзіна Дзяніс піша:
— Камунальнікі трубяць пра тое, што з 2 кастрычніка ў дзіцячых садках і школах ужо цёпла. Але вось жыллёвыя дамы па-ранейшаму застаюцца халоднымі. Уся справа, традыцыйна, у строгіх нарматыўных актах, з-за якіх жыхары працягваюць дрыжэць, нягледзячы на тое, што ацяпляльны сезон пачаўся.
«Сярэднясутачная тэмпература +10 градусаў тры дні запар», — такім з’яўляецца афіцыйны аргумент для ўключэння ацяплення ў сацыяльных установах. Але па раніцах холадна да дрыжыкаў, а ўвечары хочацца літаральна абняць кацёл. Дзеці прачынаюцца змерзлыя. Аднак паводле нарматываў, ацяпленне ў жыллёвых дамах пачнецца толькі тады, калі тэмпература ўпадзе да +8 градусаў і пратрымаецца так тры дні.
«Чаму менавіта тры дні?» — задаецца Дзяніс пытаннем. Ён лічыць, што такое патрабаванне не ўлічвае рэальных патрэбаў людзей. Хоць яшчэ нядаўна ўсё было яшчэ больш жорсткім: пяць дзён чакання, перш чым батарэі пачыналі грэцца.
— Закутвайцеся ў пледы і пухавікі, а калі стане зусім невыносна — ідзіце ў паліклініку, там ужо цёпла, — з горкай іроніяй заўважае Дзяніс.
Яшчэ адна гараджанка Вольга піша:
— Халады прыходзяць кожны год, а для нашых камунальнікаў трэба нейкія загады і дурныя нормы. Проста ж: пахаладала — уключыце цяпло, хоць трошкі, няхай грэе. Дык не — піз...ёж адусюль пра ацяпляльны сезон.
Яшчэ адна наша чытачка выказвае сваё меркаванне:
— Ніколі не разумела гэтых нормаў. Ідзі, дзетка, пераначуй у стылай кватэры, ты ж у садочку сагрэлася на суткі наперад!
Анастасія:
— Гэта нейкая акцыя для тэрапеўта, каб у іх кліенты былі. А навошта? Кліентаў у паліклініцы больш, чым могуць прыняць тэрапеўты. Чарга заўсёды велізарная. І да дзіцячых, і да дарослых дактароў.
Жадаеце падзяліцца меркаваннем? Мы на сувязі: @ex_presslive
Добро пожаловать в реальность!