«Я і мае сябры адпраўляем лісты ў турмы — там зараз многа добрых, адважных людзей, якіх вельмі хочацца падтрымаць. Але так здараецца, што і ад іх мы атрымліваем натхненне. Глядзіце, які ліст я дастала са скрыні, ён ад Паўла Севярынца!», — написала EX-PRESS.BY жыхарка Жодзіна.
«Прывітанне, дарагая Юлія!
Вялікі дзякуй Вам за ліст, добрыя словы, увагу да «Люблю Беларусь», салідарнасць і шчырае сэрца.
У Бібліі расказваецца пра прарока Ілію, які ў часы жорсткага ганення ўцёк у пустыню і маліўся Богу: «Госпадзе, адзін я застаўся з тваіх людзей і маёй душы паўсюль шукаюць. Ен быў у адчаі. А Бог адказаў яму, што засталося яшчэ сем тысячаў, якія не схілілі сваіх каленяў перад Ваалам. Ілія атрымаў умацаванне і перамог жрацоў Ваалавых, увесь народ радаваўся.
А ў Беларусі ў Бога нашмат больш людзей. Так што — час ідзе і ен працуе на нас. Краіна непазнавальна змянілася за некалькі месяцаў. Беларусы свецяць на ўвесь свет.
Калі дасць Бог і ўсе будзе добра, спадзяюся запрасіць Вас на прэзентацыю маіх кнігаў у Жодзіне.
Не перажывайце. Народ сотні гадоў чакаў свабоды, незалежнасці, справядлівасці і лепшыя беларусы ахвяравалі жыццямі дзеля гэтага ва ўсі эпохі і марылі бачыць усе гэта, што сення ўбачылі мы з вамі.
Трымайцеся. Бадзерага настрою, здароўя і вялікай ласкі Божай вам і вашай сям'і».
Павел, 8.ХІІ.2020
Павел Севярынец — беларускі палітык, пісьменнік і публіцыст. У час прэзідэнцкіх выбараў 2020 года ўдзельнічаў у пікетах па зборы подпісаў Святланы Ціханоўскай. Быў затрыманы супрацоўнікамі міліцыі 7 чэрвеня па дарозе дадому. Пасля гэтага ў дачыненні да яго было вынесена, як мінімум, тры пастановы аб адміністрацыйных арыштах па 15 сутак, кожная — за ўдзел у перадвыбарчых пікетах і заклікі да ўдзелу ў масавых мерапрыемствах. Таксама ў Паўла Севярынца на той час засталіся неадбытымі 30 сутак арышту за акцыі супраць інтэграцыі з Расеяй.
Міжнародная арганізацыя «Amnesty International» прызнала яго вязнем сумлення. Меркавалася, што ён выйдзе на волю 21 жніўня, па адбыцці 75 сутак. Але са Следчага камітэту паведамілі, што ёсць падазрэнне ў здзяйсненні злачынства, Павел Севярынец затрыманы на 72 гадзіны і знаходзіцца ў ІЧУ на Акрэсціна. 20 жніўня на палітвязня завялі крымінальную справу «за падрыхтоўку масавых беспарадкаў».
Добро пожаловать в реальность!