У Барысаве на вуліцы Брылеўскай з'явілася зарадка для электрамабіляў на 2 месцы. Аформлена інфармацыйная таблічка на беларускай мове. Аб гэтым паведамляе чытач EX-PRESS.BY.
Нагадаем, што ў пачатку студзеня на вуліцы Дняпроўскай у Барысаве з'явілася яшчэ адна зарадная станцыя для электрамабіляў. Яна разлічана на адно месца.
Таксама ў канцы снежня на цэнтральнай плошчы ў Барысаве ўстанавілі зарадку для электракараў. Яна размешчана побач з уваходам у сэрвісны цэнтр «Белтэлекама» і Барысаўскі райвыканкам.
У 2021 годзе на трасе М1 пад Барысавам пабудавалі дзве зарадныя станцыі для электрамабіляў. Абедзве размешчаны на запраўках АЗС на 443-м кіламетры аўтастрады.
А 3,5 гады таму немагчыма было паверыць, што ў горадзе з’явяцца такія міні-станцыі. Мы пісалі пра ўладальніка электрамабіля, тады ён спрабаваў прасоўваць ідэю неабходнасці падзараднай станцыі і экалагічнасці гэтага рашэння:
— На мой погляд, такая станцыя патрэбная ў Барысаве, так як горад немаленькі, і я асабіста бачыў шмат аўто, якія можна зараджаць. А зараз растаможку на іх прыбралі, будзе яшчэ больш. За электрамабілямі будучыня, гэта эканомія на паліве, эканомія на абслугоўванні, гэта экалагічны транспарт.
Падзяліцца меркаваннем: @ex_presslive
Добро пожаловать в реальность!