Барысаўчанка ехала ў польскі горад Хшанув, які знаходзіцца за 45 кіламетраў ад Кракава, на электрычцы і захапілася прыбіральняй.
— Я знайшла кватэру ў горадзе Хшанув, які даволі блізка знаходзіцца ад Кракава. Цэны на арэнду там ніжэй амаль у два разы. Я паехала глядзець кватэру не на аўтобусе, а на цягніку, бо хацела праверыць яго. Як камфортна будзе ездзіць, напрыклад, на выходныя ў Кракаў пашпацыраваць. Дарэчы, працу тамака таксама знайсці можна. Мне падчас прагулкі трапілася аб'ява аб пошуку кiроўцы ў пякарню. Але зараз я больш хачу расказаць пра цягнік і прыбіральню для вашай рубрыкі.
Па яе словах, квіток можна купіць у касе ў аўтамаце за 10 злотых (каля 2 еўра) на вакзале або ўнутры цягніка:
— Я ўжо набывала квіткi як у касе, так і ў цягніку, і ў аўтамаце. Усё лёгка, зразумела і хутка, толькі ў касе давядзецца чакаць каля 10 хвілін. Так што цяпер — толькі аўтамат. Карта банкаўская ёсць, таму ўсё хутка адбываецца.
Барысаўчанка прызнаецца, што зайшла ў вагон за 10 секунд да адыходу цягнiку з амаль разраджаным тэлефонам.
— Каля кожнага месца ёсць разетка, і я змагла хутка зарадзіць свой смартфон. Гэта вельмі зручна. Я ездзіла на аўтобусах паміж гарадамі, і не ва ўсіх ёсць разеткі.
Аб туалеце дзяўчына кажа наступнае:
— Я атрымала задавальненне ад прыбіральні — як усё прадумана да дробязяў, як камфортна мне тамака было. Калі б я была з малым дзiцём, мне было б лёгка яго пераапрануць. У прыбiральнi можна вальс танчыць, такая яна вялікая. Усёй сям'ёй можна схавацца. Ёсць мыла, вада, туалетная папера. Думаю, я яшчэ раз калі-небудзь адпраўлюся на гэтым цягніку ў невялікае падарожжа, але ўжо ўсёй сваёй вялікай сям'ёй.
Далучайцеся да флэшмобу. Здымайце прыбіральні ў вашым горадзе. Дасылайце нам: @ex_presslive.
Добро пожаловать в реальность!