Барысаўчанка гадзінамі бавіць час на дзіцячых пляцоўках з сынам, адпачывае на арэлях, катаецца на незвычайных атракцыёнах i займаецца на трэнажорах. Пра свае знаходкі ў Кракаве яна расказала EX-PRESS.LIVE.
— Пляцоўкі ў Польшчы створаны не толькі для маленькіх дзяцей і падлеткаў, але і для дарослых. Мы з мужам можам лятаць на арэлях, якіх я раней ніколі не сустракала ні тое каб у Барысаве, увогуле ў Беларусі. Гэта так выдатна, што дзеці могуць быць занятыя на адной гульнявой зоне некалькі гадзін: могуць скакаць на батутах, лазіць на турніках, катацца на арэлях, бегаць, поўзаць, займацца на трэнажорах, — кажа барысаўчанка.
Жанчына адзначае, што ёй вельмі падабаецца, што такія зоны знаходзяцца сярод паркаў ці пад дрэвамі, якія ствараюць цень і асаблівую атмасферу:
— Мне здаецца, што я ўжо ніколі не вярнуся жыць у родную краіну пасля ўсяго, што ўбачыла ў Еўропе. Мы адстаём у развіцці гадоў на 20-30. У нас неяк усё накіравана на стварэнне штучнага шчасця, ілюзію, а ў Польшчы я сапраўды адчуваю, што пра мяне клапоцяцца. Усе мае знаёмыя атрымліваюць на кожнае дзіця кожны месяц па 500 злотых, гэта каля 110 еўра. Так будзе да іх 18 год.
Я бачу, як у горадзе чыста, як камфортна прадумана лагістыка гарадскога транспарту, як мудра пабудаваныя і арганізаваныя мікрараёны. У школах няма абавязковай школьнай формы, дзеці ўвесь час кудысьці ездзяць на экскурсіі, у выходныя дні ходзім па музеях, і мы атрымліваем асалоду ад зносін у сям'і, ад падарожжаў. Ва ўсім гэтым ёсць шмат плюсаў.
Так, мы сумуем па роднай краіне, яе прыродзе, некаторых людзях, якія там засталіся, але пры гэтым не жадаем вяртацца, прынамсі, цяпер, пакуль там робіцца поўная вакханалія, няма спакою. Няма элементарнай павагі чалавечай асобы, нашых правоў. Няма свабоды выбару і дэманстрацый, няма свабоды меркаванняў і перакананняў. Ты нават сваім целам не распараджаешся, і цябе прымушаюць знішчаць тату. Гэта жудасна. Тут я дыхаю свабодна.
А вось гэтыя фота даслаў чытач з іншага польскага гораду.
— Польшча. Дзеці i так далей. Паглядзiце, гэта звыклая пляцоўка, ніякі ні разу супер-пупер квартал, але над пясочніцай ёсць намёт, бо сонейка на поўдні Польшчы свецiць моцна. Тут добры пясочак і ўсякія забаўкі. Усё звыкла, і як мае быць, — напісаў ён.
А вы задаволены дзіцячай пляцоўкай, побач з якой жывеце? Пішыце: @ex_presslive
Добро пожаловать в реальность!