У Барысаве ў цэнтры традыцыйнай культуры арганізавалі сустрэчу для студэнтаў з Афрыканскага кантынента, а менавіта Малі, Конга і Тагалезскай Рэспублікі. Хлопцы навучаюцца ў філіяле БНТУ — Барысаўскім дзяржаўным політэхнічным каледжы. Супрацоўніцы цэнтра прадэманстравалі наш родны рэгіён, а таксама спадчыну беларускай культуры, паведамляе газета «Адзінства».
У Цэнтры студэнтаў чакала выстава «Традыцыйныя матывы ў сучасных вырабах», таксама для ніх правялі экскурсію па цэнтры, пазнаёмілі наведвальнікаў з паняццямі «традыцыя», «абярэг», «абрад», прадэманстравалі калекцыю саламяных павукоў, якая размешчана ва ўсіх памяшканнях Цэнтра.
Зазірнулі госці з далёкага кантынента ў «Беларускую хатку», «Ткацкі пакой», «Пакой рамёстваў», пазнаёміліся з прадметамі побыту, адзеннем, аксэсуарамі, а таксама мастацкай керамікай і карцінамі, выкананымі ў розных тэхніках.
Таксама адбыўся майстар-клас: у творчай майстэрні ўдзельнікі экскурсіі выраблялі «Птушку шчасця».
Даслаць навiну: @ex_presslive.
Добро пожаловать в реальность!