У Нідэрландах збіраюць грошы на машыны хуткай дапамогі ад галандскіх дзяцей. У пятніцу, 8 красавіка, валанцёры прывезлі рэальныя машыны да школ. Дзецям далі магчымасць палазіць па іх, наляпіць налепкі, пакінуць свае малюнкі.
Праект распачаўся дзякуючы Наталлі, якая даволі актыўна камунікуе з настаўнікамі і дырэктарам адной школы ў Амстэрдаме. Яе дзеці вучацца ў галандскай школе.
— Вучні ў школе самі пачалі збіраць грошы для нашага фонда на машыну, — распавядае EX-PRESS.BY беларус Змiцер Жалезнічэнка, валанцёр арганізацыi «Ветразі свабоды». — Прапанавалі дзецям збіраць грошы на машыны. Гэта прыгожы і бачны ўнёсак, гэта дакладна людзям дапаможа.
Я думаю, што мы можам прапанаваць некалькім школам далучыцца, такім чынам сабраць на адну ці нават на некалькі машын. Гэта будуць машыны ад дзяцей. Яны паедуць у дзіцячы шпіталь.
Дзве школы прынялі ўдзел у першай акцыі — гэта школа ў Амстэрдаме і яшчэ школа з горада Харлем каля Амстэрдама.
— Дзеці былі ў захапленні. Яны былі ўдзячныя, што ім прапанавалі ў такім удзельнічаць, — кажа Зміцер.
Дзецi распавядалі, што здавалі пластыкавыя бутэлькі ў крамах (за кожную атрымлівалі па 25 цэнтаў), мылі машыны. У вынiку сабралі больш за 7 тысяч еўра.
— Ёсць цікавасць ад іншых школ. Будзем рабіць больш мерапрыемстваў, больш школ прыцягваць і зрабіць машыну, якая будзе рэальна набытая за гэтыя грошы. Там будзе усё патрэбнае абсталяванне, а таксама вельмі прыгожыя малюнкi і сцікеры на бартах, каб было бачна, што яна рэльна ад дзяцей. Машын паедзе ў дзіцячы шпіталь i будзе выкарыстоўвацца, каб лячыць дзяцей, — распавядае валанцёр.
Валанцёры фонда «Ветразі свабоды» набываюць і дастаўляюць ва Украіну медыцынскія і іншыя спецыялізаваныя аўтамабілі, а таксама медыцынскую і гуманітарную дапамогу. Родам валанцёры з розных краін, большасць зараз жыве ў Нідэрландах, Бельгіі і Нямеччыне.
Хто жадае дапамагчы:
Пошта: info@zeilenvanvrijheid.nl
Арганізацыя ўжо адправіла ва Ўкраіну 26 машын хуткай дапамогі, напоўненыя гуманітарнай дапамогай.
Добро пожаловать в реальность!