Гэтым летам Расія "нешта рыхтуе" ў Беларусі пад выглядам вайсковых вучэнняў. З заявай пра гэта прэзідэнт Украіны Уладзімір Зяленскі выступіў на саміце Трохмор'я ў Варшаве, у якім удзельнічаў па відэасувязі, піша Еўрарадыё.
"І паглядзіце на Беларусь: гэтым летам Расія там нешта рыхтуе, прыкрываючыся вайсковымі вучэннямі. Менавіта так звычайна пачынаюцца яе новыя атакі. Але куды на гэты раз? Я не ведаю. Украіна? Літва? Польшча? Крый Божа! Але мы ўсе павінны быць гатовымі", — заявіў украінскі прэзідэнт.
Пры гэтым Зяленскі не прывёў якія-небудзь падрабязнасці і не назваў крыніцу інфармацыі.
У сярэдзіне верасня 2025 года ў Беларусі павінны прайсці чарговыя ваенныя вучэнні — сумесна з Расіяй. Заяўленая колькасць удзельнікаў вучэнняў — каля 13 тысяч чалавек.
Напад на Украіну ў лютым 2022 года адбываўся ў тым ліку з тэрыторыі Беларусі, дзе перад гэтым прайшлі сумесныя беларуска-расійскія вайсковыя вучэнні.
Добро пожаловать в реальность!