У Польшчы можна набыць гель для прання ў сваю тару. Фотафакт

У польскім горадзе Уроцлаў сталая чытачка EX-PRESS.BY заўважыла апарат з гелем для прання, які можна набыць на разліў. Ёсць магчымасць прыйсці са сваёй тарай, наліць сродак і зэканоміць.

Экаактывістка з Барысава ўпэўнена, што будучыня за такімі крамамі без упакоўкі. Па ўсім свеце адчыняюцца такія месцы. Была такая крама і ў Менску. Там можна было купіць на разліў не толькі сродак для мыцця, але і шампуні, гелі, мыла і шматразовыя рэчы.

— Для пакупнікоў гэта выгадна і проста, — кажа дзяўчына. — Вы можаце прыйсці ў краму са сваёй тарай і выкарыстоўваць яе шматкратна. Гэта экалагічна. Мала таго, што можна зэканоміць, дык вы яшчэ і пазбавіце планету ад лішняга пластыка. А таксама вы купляеце дадому біяраскладальныя тавары побытавай хіміі.

Гэта бяспечна. Бытавая хімія на разліў не змяшчае хлор, пры гэтым выкарыстоўваюцца рэчывы тэнзіды, якія ў выніку рэакцыі з вадой цалкам пераходзяць у разрад соляў.

Сродак таксама гіпаалергенны:

— Гэта універсальны гель для ўсёй сям'і. Адзін сродак для мыцця можна выкарыстоўваць як для дзіцячага адзення і карункавай бялізны, так і для мыцця хакейнай формы і вопраткі. Я раю быць свядомымі і звяртаць увагу на такія магчымасці.

Падзяліцца ўласным досведам і меркаваннем на экалагічныя темы можна тут: @ex_presslive