У 1945 годзе ў Барысаўскім раёне накладам у 5 тысяч асобнікаў выходзіла газета “Бальшавіцкая трыбуна”. Орган мясцовага гаркама і райкама КП(б)Б, а таксама саветаў дэпутатаў, з’яўляўся фактычна безальтэрнатыўнай крыніцай інфармацыі для жыхароў рэгіёна ў першы пасляваенны год. ex-Press.by пагартаў старонкі раёнкі і прапануе зірнуць на будні і святы жыхароў Барысаўшчыны вачыма тагачасных ідэолагаў.
Як і ў іншых раённых газетах рэспублікі, абавязковая дэталь першай газетнай старонкі - цытата Сталіна, Леніна альбо кагосьці з іншых партыйных функцыянераў. Таксама абавязковыя дэталі кожнага нумара - зводка з франтоў (да 9 мая 1945 года), інфармацыя аб працоўных подзьвігах савецкіх грамадзян, панегірыкі на адрас Сталіна ад імя жыхароў Барысава і вёсак раёна, абвесткі ды порцыя крытыкі кіраўніцтва асобных прадпрыемстваў, службоўцаў і г.д. Час ад часу трапляюцца перадрукаваныя паведамленні інфармацыйных агентстваў: ТАСС - аб міжнародных палітычных і спартовых падзеях, і БЕЛТА - аб рэспубліканскіх.
У нумары за 21 кастрычніка 1945 г. барысаўчан рыхтуюць да выбараў у Вярхоўны савет СССР
Рэаліі савецкай прэсы: дэпутаты гарвыканкама крытыкуюць працу гарвыканкама...
...а калгаснікаў крытыкуюць зайцы
Напэўна, найбольшую цікавасць сучаснага чытача выклікаюць артыкулы найменш ідэалагічна заангажаваных рубрык “На бытавыя тэмы”, “Парады ўрача” і г.д., дзе прабіваюцца раз-пораз сапраўдныя праблемы і турботы барысаўчан сямідзесяцігадовай даўніны.
Грызуны і малярыйныя камары займаюць значнае месца на старонках раёнкі
Але не такое значнае, як таварыш Сталін
Добро пожаловать в реальность!