Расповед Зяленскага пра словы Лукашэнкі, што “Это всё Путин» (фактычнае прызнаньне, што ён не кантралюе сытуацыю ў т.зв. “беларускай арміі”, а ўвогуле – і ў краіне) ставіць кропку ў маёй шіматгадловай (задоўга да 2020-га) дыскусіі з некаторымі палітычнымі аналітыкамі (якія, канешне, паскончвалі оксфарды, але, з аднаго боку, не прапаўзьлі па мокрым вясновым сьнезе з “калашнікавым” хоць два метры і ня ведаюць, як салдат баіцца лейтэнанта. А з другога – ня пілі сто грамаў ні з лейтэнантамі, ні з генэрал-лейтэнантамі, і настроі ў афіцэрскім асяродку, увогуле законы армейскай службыя разумеюць прыблізна ў ступені, у якой я разумею прынцыпы рашчапрленьне атамнага ядра (ці ў атаму – няма ядра?), пiша палітычны аналітык Сяргей Навумчык.
Заўсёды казаў, што на 90% афіцэрскі корпус т.зв. беларускай арміі прарасейскі, што салдаты выканаюць загад афіцэраў страляць у народ (што і адбылося ў 2020 у т.зв. “сілах спэцыльных апэрацый”; увогуле, у 2020 армія здрадзіла свайму народу, падтрымаўшы ўзурпатара), і што Лукашэнка кантралюе сілавыя структуры толькі ў сфэры арганізацыі рэпрэсій супраць беларускага народа – і больш ніяк.
Тыя адзінкі афіцэраў-беларускіх патрыётаў, якія яшчэ заставаліся ў т.зв. беларускай арміі, былі вычашчаныя пасьля 2020 году; сёньня Мінабароны РБ цалкам кантралюецца расейскім ФСБ і падпарадкоўваецца Пуціну.
Дарэчы, менавіта Лукашэнка вясной 1993 запатрабаваў унесьці ў парадак дня сэсіі Вярхоўнага Савету пытаньне аб далучэньні Беларусі да сыстэмы Калектыўнай бясьпекі (АДКБ), супраць чаго змагалася Апазыцыя БНФ, вызначыўшы гэта як адыход ад нейтралітэту і ўцягваньне Беларусі ў арбіту вайсковых інтарэсаў Крамля. Натуральна такая ідэя нарадзілася не ў галаве дырэктара саўгасу “Ггарадзец” – ён трансьляваў указаньні тых, хто бачыў у ім патэнцыйны рухавік рэалізацыі расейскіх інтарэсаў і зьнішчэньня Беларусі як незалежнай дзяржавы.
Сёньня ён цалкам залежыць ад Масквы. І калі рыпнецца – якая-небудзь ракета, выпушчаная падразьдзяленьнем т.зв. беларускай арміі, раптоўна і памылкова ўпадзе не ягоную рэзыдэнцыю (будзе шкада Ўмку – шпіц ні ў чым не вінаваты).
Ну а прапанова Лукашэнкі Зяленскаму бамбіць Мазырскі НПЗ (гэта мела б вынікам гібель сотняў беларусаў) – сьведчаньне ягонага сапраўднага стаўленьня да беларусаў, якіх ён, “русский человек со знаком качества”, заўсёды ненавідзеў. Любіць ён толькі ўладу, больш нічога.
Добро пожаловать в реальность!