Падаецца, што з'явілася "новая стратэгія", ці можа чарговая гульня, часткі апазіцыі на парламентскую кампанію ў Беларусі: віртуальны кандыдат "Яська", піша палітолаг Павел Усаў.
Не хацеў звяратаць увагі на вынік працы нейрасетак, але яе пачынаюць паўсюль піхаць, у тым ліку дзеячы "офіса", таму і складаецца ўражаньне, што "апазіцыйныя структуры" вырашылі далей гуляць у віртуальны сьвет.
Тым ня менш, як мне падаецца - гэта натуральны вынік эвалюцыі (на жаль), той часткі апазіцыі, якая сфарміравалася пасьля 20 году - яе татальная віртуалізацыя, сыход у не існуючую рэальнасьць, дзе няма адказанасьці, а таксама няма разуменьня, што і як, рабіць далей.
Віртуальнае прэзідэнтства, віртуальны пашпарт, віртуальны ўніверсітэт, віртуальные выбары і вось зараз віртуальны кандыдат у невядома куды.
Разам з гэтым не вырашаны ключовыя праблемы, таго ж інстытуцыянальнага развіцьця апазіцыйных структур. Адзіная, альтэрнатыўная стратэгія для палітычнай кампаніі Лукашэнкі - "выбары ў КС" і тая цалкам правалілася. Прапанаваць беларусам, асабліва дыяспары, няма чаго. Я падкрэсьлю, гаворка вядзецца пра структуры, якія ўзялі на сябе функцыі нацыянальнага, інстытуцыянальнага, палітычнага прадстаўніцтва Беларусі (фактычна альтэрнатыўныя палітычныя цэнтры), ад якіх чакаюць яснай праграмы дзеяньня, якім беларусы надзялілі мандатам даверу.
Замест гэтага ім прапануюць пагуляцца з віртуальным Яськам, пачытаць ягоную прагрму, можа нават і арганізаваць сустрэчы.
Але!!! Але, у гэтым ёсьць вялізарны плюс. Фактычна, Яська можа цалкам замяніць усю апазіцыю, ОСТ, АПК і С.Ціханоўскую. З аднаго боку ўплыў апазіцыйных структур на палітычную рэальнасьць і палітычныя працэсы ў Беларусі, фактычна будзе роўны ўплыву Яські.
З іншага боку, для ўтрыманьня штабу Яські не будзе каштаваць амаль нічога (магчыма 2-3 праграмісты). Яму не патрэбны гранты, датацыі, дарадцы, квіткі паездкі. Ен сам напіша добрую палітычную (ужо напісаў) праграму, стратэгію барацьбы, стратэгію рэформаў. (І так, GPT chat хіба ўжо пішыць нейкі стратэгіі для апазіцыйных структур).
Яська будзе даваць глыбокія, філасофскія інтэрв'ю, пісаць адначасова фундаментальныя развагі па нацыянальнаму адраджэньню Беларусі, рабіць эканамічныя аналізы. Думаю, што спакойна можа сустракацца (нікуды) не выяжджаючы з іншымі палітыкамі (з такім жа эфектам).
Гэта велізарная эканомія сродкаў, якія можна накіраваць на падтрымку беларусаў, ахвяраў рэжыму. Віртуальны Яська не падманіць, не схлусіць. Ен цалкам прысьвеціць свае жыцьце барацьбе за Беларусь.
А, што самае галоўнае, у беларусаў не будзе завышанных чаканьняў ад Яські і не будзе расчараваньня, ад палітычных куміраў.
Упэўнены, што калі зараз правесьці апрос, каму вы больш давяраеце Яське, Лукашэнцы ці Ціханоўскай, Ясь пераможа.
Дарэчы можна накіраваць 120 віртуальных Ясяў, Марысяў, Пятроў у Каардынацыйную Раду. Эфект дзейнасьці будзе нават лепшым. Не будзе скандалаў, не будзе спробаў подкупу, не будзе крымінальных справаў і перасьледу ў Беларусі. І тады энэргію, час палітычнай дыяспары можна будзе накіраваць на больш карысныя рэчы.
Добро пожаловать в реальность!