Дзяржсакратар ЗША Гілары Клінтан і кіраўнік Міністэрства замежных справаў Польшчы Радаслаў Сікорскі ў Вашынгтоне абмеркавалі сытуацыю ў Беларусі.
"Мы абмеркавалі Беларусь і мы выпрацавалі пляны супрацоўнічаць яшчэ шчыльней у справе маніторынгу разьвіцьця падзей у Беларусі", – заявіў сёньня ў Вашынгтоне міністар замежных спраў Польшчы Радаслаў Сікорскі на прэсавай канфэрэнцыі па выніках сустрэчы зь дзяржсакратаркай ЗША Гілары Клінтан.
У пэрыяд пацяпленьня дачыненьняў паміж афіцыйным Менскам і Брусэлем Польшча была адным зь ініцыятараў наладжваньня дыялёгу зь беларускімі ўладамі. Пасьля разгону пасьлявыбарчых пратэстаў у Менску 19 сьнежня 2010 году, Варшава стала найбольш актыўным у Эўропе лабістам узмацненьня міжнародных санкцыяў супраць кіраўніцтва Беларусі.
Санкцыі ЗША супраць афіцыйнага Менску зьяўляюцца на гэты момант значна больш жорсткімі і шырокімі, чым эўрапейскія.
Добро пожаловать в реальность!