Унутры апазіцыйных груп разгортваецца цэлая структураваная гібрыдная вайна, піша палітолаг Павел Усаў.
За гэтыя апошнія паўгады было рэалізавана некалькі аперацый па (сама)дэскрэдытацыі. Мельнікава, Стрыжак, Лявончык, Ціханоўская (кій), Котаў. Зараз пачаліся разборкі ўнутры блізскага атачэньня Латушкі. Учора ў сеціве з’явілася відые з прызнаньнем ад Вольгі Карпушонак.
Былая адвакат (абаронца палітвязьня Аляксандрава), сябра Каардынацыйнай Рады (ад клюбу Мартынавай), супрацаўніца, па яе словах НАУ). Яна наўпрост абвінавачвае Латушку ў сэксуальных дамагацельствах (шыкоўным/двайным жыцьці), выкарыстаньні свайго палажэньня для аказаньня ціску на яе, з пэўнымі мэтамі, шантаж.
Як адвакат, яна не можа не разумець прававых і палітычных наступстваў сваёй заявы і не толькі для Латушка. Без расьледваньня і судовага працэсу тут не абыдзецца.
Ў яе леньце вялікі тэкст, які па сутнасьці можа быць падставай для крымінальнага перасьледу ў дачыненьні да Латушка (калі там есьць праўда), альбо ў дачыненьні да Карпушонак за паклеп і даволі сур’езны. Паклеп, поўпраўда так ці інакш падрывае пазіцыі Латушкі. Бо пакуль будзе весьціся разбіральніцтва, яго дзейнасьць ў КР-АПК будзе пад пытаньнем. Асабліва, калі Карпушонак зьверніцца ў польскія праваахоўныя ворганы. (І як адвакат, гэта першая, што яна павінна была зрабіць, калі тое, што адбылося - праўда).
Замоўчаць гэта, ці ігнараваць не атрымаецца, бо можа азначаць прызнаньне віны, адпісацца таксама не магчыма, адзіны выхад судовая разбіральніцтва, якое і так будзе мець разбуральны эфект для КР, для Латушка і кабінету, бо агульна стварае ўражаньне глыбока папсаванай супольнасьці з праблемамі сэксуальнымі і маральнымі.
Нават, калі апынецца, што гэта чарговая інфармацыйная аперацыя (Карпушонак вернецца ў Беларусь), усе гэта будзе сьведчаньнем унутранай слабасьці апазіцыі, з якой у любым выпадку, небясьпечна мець дачыненьні, бо яна прасякнута альбо агентамі, альбо правакатарамі.
Эфект, у любым, выпадку дасягнуты, складаецца ўражаньне, што дэмакратычная супольнасьць пераўтварылася ў нейкі вертэп.
Добро пожаловать в реальность!