Міжнародны гуманітарны фонд дапамогі палітвязьням і іхным сем’ям, які пачаў працаваць у кастрычніку мінулага году, назьбіраў больш за 2,4 мільёна эўра, паведаміла Deutsche welle.
Найбольшую частку гэтых сродкаў далі:
- Нарвэгія — каля 34% ад агульнай сумы,
- Данія — каля 28%,
- Швэцыя — каля 18%,
- Люксэмбург — каля 10%.
- Астатнія 10% былі выдзеленыя Ісьляндыяй, Гішпаніяй, Фінляндыяй, Эстоніяй і Латвіяй.
На момант заснаваньня фонд меў 1,3 мільёна эўра.
На сёньня каля 1,2 мільёна эўра ўжо разьмеркавалі паміж арганізацыямі-партнэрамі, якія непасрэдна аказваюць дапамогу.
Найбуйнейшымі атрымальнікамі сталі
- ByHelp 642 984 эўра,
- BySol 320 144 эўра
- «Краіна для жыцьця» — 97 433 эўра,
- DissidentBy — 80 996 эўра,
- INeedHelpBY — 41 200 эўра.
Яны дапамаглі 1139 чалавекам.
- BySol — 509,
- ByHelp —370,
- DissidentBy — 178,
- «Краіна для жыцьця» — 132.
INeedHelpBY набыў 1181 прадуктовы кошык.
Паводле прадстаўнікоў фонду, усе грошы ідуць на непасрэдную падтрымку пацярпелых, а адміністрацыйныя выдаткі не перавышаюць 5% агульнага бюджэту.
Неразьмеркаваная рэшта ў 1,24 млн эўра захоўваецца на рахунку аператара — Нарвэскага Хэльсынскага камітэту.
Нядаўна праз выяўленыя праблемы з дакумэнтацыяй і бясьпекай з фонду выйшла арганізацыя ByHelp. У BySol пасьля скандалу зьмяніўся прадстаўнік.
Нягледзячы на гэта, прадстаўнікі Міжнароднага гуманітарнага фонду сьцьвярджаюць, што ягоная праца ідзе ў штатным рэжыме.
Добро пожаловать в реальность!