Усе часьцей і часьцей мне прыходзіць інфармацыя пра новы элемент у рэпрэсіях, піша палітолаг Павел Усаў.
Карнікі наўпрост фабрыкуюць справы пра данаты, пра "падпіскі" на экстрымісцкія каналы. Калі чалавек патрапіў пад падазрэньне, але доказаў няма, то яму на "размовах", пад час праверак адмыслова ўсталеўваюць на тэлефон тыя, ці іншыя "праграмы", "доказы" злачынства.
Пасьля чаго пачынаюць тэрарызаваць, узбуджаюць крымінальныя справы, у лепшым выпадку патрабуюць зрабіць "дабравольныя" ахвяраваньні на дзяржаўныя патрэбы.
Тэрор перайшоў у глыбінную псіхалагічную фазу. У сутнасьці насельніцтва краіны перафарматуецца у дзьве катэгорыі:
1. Тыя хто ажыцьцяўляе і абслугоўвае сістэму тэрору;
2. Тыя хто стане ахвярамі тэрору;
Трэцьцяга варыянту ужо не будзе.
Думаю, што кожнаму, хто застанецца ў Беларусі прыдзецца зрабіць такі жыцьцевы выбар.
Дарэчы, нешта мне падказвае, што "выбары" ў 2024 годзе могуць набыць форму абавязку і "выбаршчык" павінен будзе прадэманстраваць свой зазначаны бюлецень камісіі.
Гэта дадатковы механізм выдаўленьня ўнутранай свабоды чалавека. Рытуал па маральнаму падпарадкаваньню асобы рэжыму. Што будзе азначаць канчатковае афармленьне таталітарнага панаваньня.
Ва ўмовах асаджанай крэпасьці нават фармальная нелаяльнасьць павінна быць знішчана. Толькі так Лукашэнка зможа дасягнуць поўнага аднадушша ў грамадстве.
Добро пожаловать в реальность!