1 верасня каля «Барысаў-Арэны» сабралася больш за тысячу людзей. У горадзе адбылося свята пад доўгай назвай «Дзень ведаў з Белкарт і Картай навучэнца ад Беларусбанка». Арганізатары падрыхтавалі падарункі, прывезлі блогера Кабякова, спявачку Уладу, жывую музыку і шоу фарбаў.
Дзеці прымалі ўдзел у творчых майстэрнях, малявалі далонькамі, рабілі аквагрым, распісвалі экаторбы, гіпсавыя фігуркі, а таксама наведвалі майстар-класы па фотапазаванні і па фатаграфіі на мабільны тэлефон і шмат іншага.
Актыўнасцяў было шмат, у тым ліку і «Фінансавы квэст», які прайшоў у гульнявой форме і дапамог праверыць свае веды па фінансавай пісьменнасці не толькі дарослых, але і дзяцей.
На свяце адбылася прэзентацыя Беларусбанкам іх новага прадукта — Карты навучэнца. Праект стартаваў сёлета і ахапіў 24 школы Барысава.
Праект дае бескантактны пропуск у школу, але гэта таксама паўнацэнная банкаўская картка плацежнай сістэмы Белкарт. Карткай можна расплачвацца ўсюды, і пры гэтым яна можа служыць ідэнтыфікацыйным сродкам для доступу да школьных будынкаў, бібліятэкi.
Больш за 200 школ па ўсёй краіне выказалі сваё жаданне паўдзельнічаць у праекце —выкарыстоўваць Карту навучэнца «Беларусбанка». Каля 120 тысяч дзяцей ад першага да дзясятага класа сёлета атрымаюць гэтую магчымасць.
А вы змаглі патрапіць на свята? Вам спадабалася? Пішыце: @ex_presslive
Добро пожаловать в реальность!