У Барысаве распачаўся анлайн-марафон «Чытаем разам. Чытаем услых. Тата, пачытай мне!»

Анлайн-марафон «Чытаем разам. Чытаем услых. Тата, пачытай мне!» праводзіцца з 1 сакавіка па 1 верасня 2023 года. Конкурс арганізуе цэнтральная раённая бібліятэка імя І. Х. Каладзеева. Марафон мае мэту прыцягнуць увагу грамадскасці да праблемы адраджэння і зберажэння традыцый бацькоўскага чытання, папулярызацыі інтарэса да чытання дзіцячых кніг на беларускай мове.

Хто можа прымаць удзел

Дзеці ва узросце ад 6 да 12 гадоў, а таксама іх таты, або законныя прадстаўнікі. Заяўку на удзел у анлайн-марафоне падаць можна толькі адзін раз. Удзел бясплатны.

Намінацыі анлайн-марафона:

1. Гучнае чытанне дзіцячай кніжкі на беларускай мове, або ўрыўка з кнігі (казкі), казачныя гісторыі, апавяданні. Дзеці прысутнічаюць у якасці слухача у кадры;

2. Рэкламны ролік, прысвечаны беларускай дзіцячай кніжцы (удзельнічаюць таты і дзеці);

3. Інсцэніроўка ўрыўка з кнігі беларускага дзіцячага аўтара на беларускай мове (удзельнічаюць таты і дзеці). Матэрыял падаецца ў выглядзе відэазапісу.

Як дасылаць вiдэа

Пачынаючы з 10 сакавіка 2023 г. неабходна запоўніць электронную заяўку для ўдзелу ў анлайн-марафоне і выслаць яе на адрас: m@borlib.by.

На анлайн-марафон прадстаўляецца відэаролік (па любой з трох намінацый), зняты любымі даступнымі сродкамі, які адпавядае выбранай намінацыі.

Фармат відэа — mp4 AVI.

Працягласць – да 5 хвілін.

Абавязкова ў пачатку відэароліка назваць пісьменніка і літаратурны твор (напрыклад, Зэкаў А. «Павучок і светлячок»).

З 1 верасня па 1 кастрычніка аргкамітэт праводзіць тэхнічную апрацоўку конкурсных матэрыялаў, па яе выніках фарміруюцца спіскі ўдзельнікаў, якія будуць дапушчаны да разгляду журы конкурса.

Падвядзенне вынікаў адбудзецца 1 кастрычніка, а ўзнагароджванне — на Тыдні бацькоўскай любові — 15-17 кастрычніка 2023 года.

У мінулым годзе Конкурс праводзіўся пры фінансавай падрымцы Беларускай бібліятэчнай асацыяцыі. Але ўмовы крыху адрозніваліся: людзі сталага ўзросту (60+) чыталі ўслых мастацкі твор для суполкі дзяцей з трох-пяці чалавек, адпаведнай ўзроставай катэгорыі: дзеці 6-8 гадоў; падлеткі 10-12 гадоў.

Асноўная мэта мерапрыемства — папулярызацыя беларускай дзіцячай кнігі і прыняцце дзяцей і дарослых да сумеснага прагляду ўслух лепшых твораў беларускіх аўтараў.