Не магу не зьвярнуць увагі на "публікацыю" Радые Свабоды, якая нясе ў сваім загалоўку маніпулятыўны і разбуральны сэнс, мэтанакіравана скажае мэты ініцыятывы і дзеяньні. Такія прыемы спрэчныя з усімі прынцыпамі аб’ектыўнасьці і журналістскай этыкі, піша палітолаг Павел Усаў.
Рух "Вольная Беларусь" апублікаваў прапанову, каб у мірныя ініцыятывы па сітуацыі ва Украіне былі ўнесены пункты па ядзернаму разбраеньню Беларусі і вываду расейскіх войскаў з тэрыторыі краіны, як адзін з элементаў агульна-рэгіянальнай бясьпекі і захаваньня дзяржаўнасьці Беларусі.
Па-першае, гэта дакумент калектыўны, а не Зянона Пазьняка. Па-другое, ні пра Трампа, ні пра аднабаковыя ініцыятывы ЗША гаворкі ўвогуле не вялося, як і пра тое, каб нешта туды дадаць (!!!).
Тым ня менш, рэдакцыі чамусьці ўздумалася напісаць пра тое, што гэта прапанова Пазьняка для плану Трампа (Ушакова-Уіткафа), што нібы павінна было азначаць, што Пазьняк асабіста, ці ВБ, гэты план падтрымліваюць (!!!). Рэакцыя каментатараў і чытачоў была менавіта такой: эмацыйнай, злобнай і проста прымітыўнай. Бо людзі нават не чыталі дакумэнту, а абмежаваліся загалоўкам. То бок РС зманіпулявала не толькі нашым тэкстам, але і зрабіла са сваіх чытачоў дуракоў (!).
Так, Пазьняк падтрымлівае Трампа, але ніколі не падтрымліваў "планаў" скіраванах на капітуляцыю, аслабленьне Украіны і ўзмацненьне Расеі. НІКОЛІ!!!
Больш таго, я як адзін з аўтараў дакумэнту і сябра ВБ адразу крытычна выказаўся, што да ініцыятывы Уіткафа і гэтых "планаў".
Для Зянона Пазьняка, для ВБ прынцыпова важным заўседы было і ёсьць перамога Украіны і зьнішчэньне Расеі, без чаго планы праекты пра незалежную Беларусь - пустое, і ніколі не зьдзейсьняцца.
Але, мы таксама бачым і разумеем, тую парадыгму, якая склалася адносна "міру" і тых розных фарматаў, якія прапануюць заходнія цэнтры, у тым ліку ЕЗ. Відавочным есьць выпрацаваньне нейкай формулы і акрэсьленьне гарантый бясьпекі для Украіны, і зусім не ясна, што гэта за гарантыі. Без аслабленьня Расеі йх у прынцыпе не можа быць. НІКОЛІ!
З іншага боку, таксама відавочна, што Захад не будзе весьці вайны супраць Расеі да яе зьнішчэньня.
Мы таксама разумеем, гэта і адзначалася ў прапановах, што ў сеньняшняй сітуацыі, Беларусь гэта стратэгічны рэсурс Расеі, прастора для агрэсіўных дзеяньняў і удараў па суседзях, і выбіць гэтую прастору, нават з існуючым рэжымам, з-пад Расеі важная стратэгічная задача і агульны інтарэс, як наш, так і Еўропы і Украіны.
Зразумела, што выцягнуць цалкам Беларусь з-пад расейскага ўплыву не магчыма, але паспрабаваць аслабіць яе прысутнасьць у краіне неабходна. На дадзеным этапе такім крокам з’яўляецца вяртаньне Беларусі да статусу без’ядзернай дзяржавы, яе дымілітарызацыя (у кантэксьце вываду расейскіх войскаў). Гэта ў той ці іншай ступені ўзмоцніць стабільнасьць у рэгіене, незалежнасьць дзяржаўнасьці. Калі дасягнуць гэтых мэта не атрымаецца, то з часам замацуецца такі рэгіянальны парадак, у якім нават фармальна сувярэннай Беларусі не будзе.
Больш таго, аслабляць рэжым (пост)Лукашэнкі і дасягнуць перамен значна прасьцей у сітуацыі адарванасьці Беларусі ад Расеі.
Таму, я лічу, што ў агульным інтарэсе, на дадзеным этапе, з’яўляецца аслабленьне стратэгічнай прысутнасьці Расеі ў Беларусі, праз уключэньне узгаданных пытаньняў ў мірныя працэсы, як элементу гарантый бясьпекі для Украіны і Еўропы.
Таму і ў інфармацыйным плане вельмі важна не скажаць, не спрашчаць, не дыскрэдытаваць падобныя ініцыятывы.
Спадзяюся, што Радые Свабода, прынамсі, выправіць назву артыкулу і выдаліць абразлівыя каментары, якія сталіся вынікам рэакцыі не на зьмест, свабоднай і аб’ектыўнай дыскусіі, а рэакцыя на маніпулятыўны тытул.
Добро пожаловать в реальность!