Сёння ў 11:35 самалёт А-50 узляцеў з аэрадрома ў Мачулішчах

Пра гэта паведамляе маніторынгавая група «Беларускі гаюн».

Раней беларускія партызаны паведамлялі, што самалёт быў імі ўзарваны ў двух месцах з дапамогай дронаў. BYPOL казаў, што адным зарадам "пашкоджаны ключавы элемент — трохкаардынатная радыёлакацыйная станцыя, а менавіта лакатар". Другое пашкоджанне — “у раёне размяшчэння абцякальніка антэны спадарожнікавай радыёлініі, у пярэдняй часткі, паблізу насавога адсека".

Па БТ учора паказалі А-50. Прапагандысты сцвярджаюць, што гісторыя з дыверсіяй у Мачулішчах — фэйк.