У Барысаве адбудзецца ток-шоу «Сучасны Барысаў: горад для жыцця?»

Як напоўніць звыклыя месцы ў Барысаве незвычайнымі падзеямі i як барысаўчане могуць уключацца ў развіццё гарадскіх прастораў і актыўнасцяў?

У аўторак, 30 кастрычніка, кампанія «Будзьма беларусамі!» разам з Цэнтрам даследавання грамадскага кіравання «Сімпа» запрашае жыхароў Барысава па-новаму зірнуць на горад і разам паразважаць, як разам зрабіць горад лепш, падчас адмысловага ток-шоу «Сучасны Барысаў: горад для жыцця?».

Сваімі развагамі і досведам падзеляцца:

Дзяніс Кобрусеў (Мінск) — гарадскі актывіст, каардынатар таварыства «Горад для гараджан»;

Зміцер Бабіцкі (Барысаў) — эканаміст, аўтар канцэпцыі развіцця горада Барысава;

Валянціна Сідоркіна (Маладзечна) — сузаснавальніца адукацыйнага цэнтра «Адкрытая прастора», арганізатарка гарадскога фэста «Прышчэпка»;

Ганна Холад (Маладзечна) — гарадская актывістка, сааўтарка праекта «Крэатыўная карта Маладзечна».

Хочацца новых цікавых рашэнняў для свайго горада — далучайцеся да абмеркавання! Размова адкрытая для ўсіх жадаючых без абмежаванняў ва ўзросце і прафесіі.

Калі: 30 кастрычніка.

Час: а 18:30.

Дзе: Гастрапаб  «Fабрика», вул. Даўмана, 78.

Уваход вольны.

Інфалінія: +375297121803, [email protected]