Чаму б самалётам НАТА не спрабаваць даляцець да Менску? Адэкватны адказ і дэманстрацыя сілы. Пакуль што ў гульні мускуламі і псіхалагачным шантажу пераважае Расея. НАТА ж паказвае разгубленнасьць і нейкае бясьсіле, якое мяжуе з капітуляцыяй, піша палітолаг Павел Усаў.
Расея за апошнія тыдні адпрацавала па асобку некалькі элементаў, якія калі йх спалучыць, ствараюць маштабную атаку на краіны НАТА.
Калі, напрыклад, Масква вырашыла атакаваць краіны Балтыі, ці давясьці сытуацыю да скраю вайны, то верагодна так і дзейнічала б у адпаведны момант, з выкарыстаньнем такіх рознапланавых сродкаў.
Я сыходжу з іх разуменьня таго, што сытуацыя для Расеі тупіковая. Вайну ва Украіне йм не выйграць (эканамічна не выцягнуць). Мір, нават кепскі стварае, шэраг унутраных праблемаў, хоць бы ў пытаньні "што рабіць з сотнямі тысячаў свошак". Вярнуцца у парадыгму добрых адносінаў з Еўропай (Захадам) будзе немагчыма яшчэ доўгі час.
І мір і вайна для Масквы без нейкай маштабнай перамогі і ці палітычнай капітуляцыі (саступак) Захаду, для Расеі не варыянты. Тут дзейнічае славуты прынцып Пуціна, "перамога Расеі, альбо гібель".
Таму відавочна расейцы ідуць на эскалацыю.
1. Маштабная кібератака на камунікацыйную інфраструктуру Еўропы: аэрапорты, АЭС, міністэрствы;
2. Інфармацыйныя ўкіды і правакацыі;
3. Пралеты вялікай колькасьці дронаў у паветраную прастору Польшчы, Румыніі, Літвы, Латвіі (з розных накірунках), у тым ліку з Беларусі і Калінінграду;
4. Актывізацыя міграцыйных штурмаў на мяжы з Польшчай і Літвой пры ўдзеле варожых сьпецадзінак;
5. Рэалізацыя дыверсій у краінах ЕЗ. Узбуджэньне прапуцінашскай дыяспары;
6. Інтэнсіўныя парушэньні паветранай прасторы расейскай авіяцыяй, марскіх і сухапутных межаў. Перш за ўсе Эстоніі, Літвы, Латвіі і Польшчы.
Проста ўявіць, калі ўсе гэтыя крокі будуць адбывацца ў адзін момант.
Масква сыходзіць са свайго спадзяваньня на тое, што рэгулярныя і сістэмныя атакі справакуюць унутраны крызіз і рознапланавыя праблемы ў асобных краінах і саюзах, каб паказаць іх неэфектыўнасьць і слабасьць, а можа нават і параліч. Такім чынам, як мінімум, нанесьці вялікія эканамічныя страты, ўзмоцніць няўпэўненасьць у грамадствах. Бо, рэальнага адказу НАТА на ўсе гэтыя правакацыі пакуль не назіраецца.
Добро пожаловать в реальность!