Святлана Ціханоўская наведала ў Нідэрландах арганізацыю «Ветразі свабоды» (Zeilen Van Vrijheid), якая збірае грошы на машыны хуткай дапамогі i адпраўляе ix ва Украіну разам з гуманiтарнай i медычнай дапамогай.
Святлана сустрэлася з сузаснавальнiцай Фонда ўкраінкай Веранiкай Муцей i беларусам Змiтром Жалізнічэнка.
Веранiка Муцей прыехала ў Амстэрдам з Кіева, зараз жыве ў Нідэрландах i робiць усё неабходнае, каб дапамагчы сваёй краіне, сваім людзям, якія знаходзяцца ў зоне баявых дзеянняў.
Валанцёры ўжо перадалі Украіне 47 машын хуткай дапамогі і адну пажарную. Акрамя таго, яшчэ дзясяткі рыхтуюцца да адпраўкі.
«Ветразі свабоды» — гэта самаарганізаваная група валанцёраў, якія аб'ядналі свае намаганні для набыцця і дастаўкі ва Украіну медыцынскіх і іншых спецыялізаваных аўтамабіляў, а таксама медыцынскай і гуманітарнай дапамогi. Родам з розных краін, большасць зараз жыве ў Нідэрландах, Бельгіі і Нямеччыне. Некаторыя аўтамабілі цалкам прафінансавалі i сабралi беларусы.
У «Ветразі свабоды» прыходзяць людзі, якія гатовыя ахвяраваць вялікія сумы, гатовыя набыць адну, дзве і нават больш машын.
Арганізацыя прымае ўнёскі. Гэта афіцыйная суполка, дзе кожны можа зрабіць данэйшн. Для тых, хто жыве ў Заходняй Еўропе, ёсць магчымасць i ахвяраваць, i быць кіроўцай гэтай машыны.
Добро пожаловать в реальность!