З’яўленне Праваслаўнага сабора у Барысаве супала з распаўсюдам фотаграфіі, і на працягу 140 гадоў свайго існавання ён стаў любімым месцам фотафіксацыі як для барысаўчан, так для і гасцей горада.
Хроніка сабора:
1620 – 1648 гг. – на месцы, дзе цяпер знаходзіцца Ўваскрасенскі сабор, была пабудавана драўляная царква.
1812 г. – драўляная Уваскрасенская царква была спалена французскімі войскамі.
1830 г. – у Барысаве адбудаваны драўляны Уваскрасенскі сабор.
25 ліпеня 1864 г. – хадайніцтва Ведамства Праваслаўнага веравызнання Архіепіскапа Мінскага і Бабруйскага перад генералам-губернатарам М. Мураўёвым аб рэмонце барысаўскага храма.
кастрычнік 1864 г. – прынята рашэнне пра пабудову новага храма.
10 мая 1865 г. – старая Уваскрасенская царква згарэла.
5 верасня 1871 г. – асвяшчэнне храма ў імя Ўваскрасення Хрыста Спасіцеля.
15 кастрычніка 1874 г. – скончана будаўніцтва сабора.
20 кастрычніка 1874 г. – урачыстае адкрыццё сабора з удзелам губернскага кіраўніцтва і высокага духавенства.
1907 г. – ля галоўнага ўвахода сабора была ўзведзена цагляная званіца (архітэктар – Віктар Струеў).
1937 г. – закрыццё храма: крыжы спілаваны, царкоўнае начынне раскрадзена, сабор пераўтвораны ў зернесховішча.
1941 г. – ва ўмовах нямецкай акупацыі дзейнасць царквы адноўлена. Настаяцелем стаў айцец Іаан (Іван Строк).
1944 г. – айцец Іаан арыштаваны, але царква працягнула сваю дзейнасць.
2002 г. – плошча, на якой стаіць Свята-Ўваскрасенскі сабор атрымала назву 900-годдзя Барысава.
2005 г. – храм зачынены на рэканструкцыю.
кастрычнік 2014 г. – Уваскрасенскі сабор адчынены і зноў прымае вернікаў.
Фотаздымкі:
Добро пожаловать в реальность!