Пра гэта заявіў намеснік кіраўніцы АПК Павел Латушка, паведамляе тэлеграм-канал «Позірк».
У гэтую суботу, 29 ліпеня, «адбылася камунікацыя з прадстаўніком польскага Міністэрства ўнутраных справаў і адміністрацыі наконт таго, што я звярнуўся з просьбай, каб у крытычнай сітуацыі – прыняцці рашэння аб закрыцці памежнага руху – застаўся гуманітарны калідор», распавёў Павел Латушка.
Намеснік кіраўніцы Пераходнага кабінету дадаў, што імі запытаная рабочая сустрэча ў МЗС і МУС Польшчы.
Да таго Павел Латушка анансаваў сустрэчы з уладамі краін Еўразвязу, каб дамагчыся захавання гуманітарных калідораў для беларусаў у выпадку закрыцця межаў.
Нагадаем: улады Польшчы і Літвы выказалі гатовасць у выпадку нацыянальнай небяспекі цалкам закрыць мяжу з Беларуссю праз перабыванне на яе тэрыторыі наймітаў Групы Вагнэра. Польшча таксама сцвярджае, што вагнэраўцаў могуць выкарыстоўваць для правакацыяў на мяжы.
Добро пожаловать в реальность!