Наста Лойка наведала сяброў у Чэхіі, якія прынялі ў сябе яе сабаку Эрыка. Доўгачаканая сустрэча адбылася амаль праз чатыры гады, піша Салідарнасць.
«Мы сустрэліся! Эрык быў трошкі неспакойны. Пазнаў, што мы знаёмыя, але ня памятаў, наколькі. Жывоцік падставіў праз паўгадзіны», — напісала Наста ў Instagram.
Сабаку ўжо 10 год, ён трошкі кульгае, але ў цэлым у яго цудоўнае жыццё ў добрых людзей, адзначыла былая палітняволеная.
У каментарах да фотаздымкаў Насты з Эрыкам сябры і неабыякавыя беларусы пішуць словы падтрымкі і віншаванні:
«Якое шчасьце бачыць вас разам. Сьвятыя людзі, якія апякуюцца сабакам».
«Рады зноў бачыць вас разам!».
«Обнимаю! Следила за жизнью Эрика в Инсте. Так классно видеть вас вместе».
«Беларуская Адысея».
Нагадаем, што ў красавіку 2023 года Наста напісала з калоніі развітальны ліст свайму сабаку, якога ўзяла з прытулку:
Мне вельмі шкада, што мы з табой больш не пабачымся (табе ў ліпені будзе 7 гадоў, а я буду ў палоне гадоў 7-8). Я адчуваю віну, што не ўберагла сябе для цябе, што змагла прысвяціць табе нават менш за 5 гадоў.
Бывай, дарагі сабака. Ты — самае дарагое, што ў мяне было ў жыцці. Я буду любіць цябе заўжды.
Праваабаронца знаходзілася за кратамі з кастрычніка 2022 года. Ёй прысудзілі сем гадоў калоніі. 19 сакавіка Насту вызвалілі разам з групай палітзняволеных і вывезлі ў Вільню. Зараз яна знаходзіцца ў Варшаве.
Добро пожаловать в реальность!