Каталіцкі святар, які быў асуджаны на 10 содняў за «прапаганду нацысцкай сімволікі», бо у жніўні мінулага году размясціў пост у сацсетцы з плакатам вядомага мастака Уладзіміра Цэслера, разважае пра сённішні час і пра нас.
«Будслаў, Вітальд Ашурак, Тut.by, Раман Пратасевіч, Дзмітры Стахоўскі — гэтыя ўсе імёны і назвы, гучаць як назвы кропак ўзгарання пажару. Гарыць Беларусь.
Сённяшні пажар — гэта як працяг Беларускага Армагедону, які пачаўся ў жніўні 2020г. Я ўзгадваю сваё разважанне, якім дзяліўся 8 жніўня таго ж года. Біблія пра гэты час кажа, што жывыя будуць зайздросціць мёртвым. У кнізе Адкрыцця даслоўна чытаем: “У тыя дні людзі будуць шукаць смерці, ды не знойдуць яе; захочуць памерці, ды смерць уцячэ ад іх.” (Адкр 9,6)
Рэжым напэўна хоча, каб мы звыкліся з катаваннем і забойствам людзей, што адбываюцца на турэмныя камеры відэаназірання. Запісы, якія паказаў СК нібыта з апошнімі хвілінамі жыцця Вітальда Ашурка, гэта як нібыты рэаліці-шоў. Назіраць за такім было б не палюдзку, калі адбывалася б з чалавекам, які за плячамі мае нават крымінальнае злачынства; тым больш гэта кепска, калі ў калоніі такое зрабілі з чалавекам, які жыў з верай у Бога ў сваім сэрцы. І з той самай верай імкнуўся змяніць нашу Беларусь.
Яго забіў рэжым, яго забілі несправядлівыя суддзі і пракуроры, яго забілі абыякавыя жыхары краіны, яго забілі прапаведнікі, якія прамаўчалі на здзейснянае беззаконне ў краіне.
Калі я пабачыў здымкі, як Вітольда паклалі ў труну, мне прагадаліся словы прарока Ісая пра слугу Яхвэ: “Не меў ён ані прывабнасці, ані бляску, каб на Яго паглядзець, ані выгляду, каб нам падабацца” (Іс 53,2). Яго твар быў збіты настолькі, што нават быў прыкрыты, але акурат праз скалечанасць, ён як ніколі быў падобны да Хрыста, ў якога верыў.
Веру, Хрыстос у Валадарстве Божым апранне яго ў сваю хвалу. І мы атрымалі нябеснага заступніка.
Беларусь чакае лепшы час! Ахвяры мучанікаў не будуць дарэмныя. Пажар скончыцца.
Аднак памятайце, свабода не даецца, свабода здабываецца.
З намі праўда і Бог».
Добро пожаловать в реальность!