«Не забудзем, не даруем» — пад такім лозунгам прайшла акцыя салідарнасці з беларускім народам у Львове. Удзельнікi сабраліся каля помніку Тарасу Шаўчэнку. У руках яны трымалi партрэты забітых падчас пратэстаў беларусаў, бчб-сцягi i плакат «Stop fascism in Belarus», спявалi культавыя песнi i скандавалі «Верым, можам, пераможам» i iншыя лозунгi.
Кацярына прыехала ў Львоў больш за месяц таму, яна падзялілася з EX-PRESS.BY сваімi ўражаннямi ад удзелу у мітынгу i распавяла, чаму далучаецца да акцый:
— Для мяне дэманстрацыі ў Львові — гэта магчымасць наблізіцца да Беларусі. Няхай я зараз у 500 кіламетрах ад дома, але тут я са сваімі. Мне баліць за Беларусь. І вельмі сумна, што зараз не магу быць там. Але я тут. І спрабую рабіць усё магчымае, што ў маіх сілах. Мне здаецца, гэта вельмі важна: паказваць, расказваць, асвятляць і проста быць разам. Усцешна, што кожны тыдзень наша кам’юніці павялічваецца. Цяпер змагаецца не толькі Беларусь, але і ўвесь свет. Гэта моцна. Мы ўжо не можам не перамагчы.
-47e8c2f9aebd3b1727e285aab2e762c4fea3d369.jpg)
Аляксей жыве амаль 15 гадоў у Львове. Ён адказаў EX-PRESS.BY, чаму лічыць важным быць на гэтых сустрэчах:
— Беларусы — неверагодныя! Беларусы ў Львове — гэта тыя, хто вымушаныя былi пакінуць Беларусь, тыя, хто прымаў удзел у падзеях у Беларусі, тыя, хто будзе будаваць новую Беларусь. А такія акцыі трэба праводзіць паўсюль. І велізарны ўсім дзякуй за тое, што не гледзячы ні на што, беларусы выходзяць на гэтыя акцыі. Дзякуючы гэтым акцыям, даносіцца праўдзівая інфармацыя пра сітуацыю ў Беларусi, пра забойствы мірных грамадзян, пра ваенную хунту, якая захапіла ўладу ў Беларусі.
Настасся жыве ў Львове тры месяцы, алe ад кожнай навіны з Беларусi яе сэрца сціскаецца ад болю i несправядлівасцi:
— Я вельмi люблю Беларусь, але зараз я не магу вярнуцца назад, менавіта таму прымаю ўдзел у акцыях салідарнасцi з беларусамi тут. Гэта неверагодныя эмоцыi, калi мы яднаемся, калi мы разам. У Львове гэта рэальна зрабіць афіцыйна i без праблем. На Радзіме пра такое можна толькi марыць, але я веру, што прыйдзе час доўгачаканых i неверагодных змен, i ўсё будзе добра!
Добро пожаловать в реальность!