У нядзелю 23 мая ў жодзінскай парафіі Фацімскай Божай Маці адзначалі свята Спаслання Духа Святога. У гэты дзень адбылася ўрачыстасць Першай святой Камуніі, якую з рук ксяндза пробашча Міхаіла Цвячкоўскага прынялі 19 хлопчыкаў і дзяўчынак.
фото 1Нядзельнай раніцай 19 дзяцей у прыгожых белых строях разам са сваімі бацькамі і хроснымі сабралася каля ўваходу ў санктуарый.
Пасля кароткага прывітання і малітвы пробашч парафіі кс. Міхаіл Цвячкоўскі ўрачыста ўвёў дзяцей у святыню, дзе яны ўпершыню ўзялі поўны ўдзел у св. Імшы.
Для таго, каб дайсці да гэтага радаснага дня, дзецям спатрэбіліся два гады падрыхтоўкі, падчас якой яны вучылі малітвы і пазнавалі асноўныя праўды хрысціянскай веры.
-dab90b31ae329268976d72d74227684172dce357.jpg)
Ксяндз пробашч Міхаіл Цвячкоўскі на заканчэнне імшы ад усяго сэрца пажадаў дзецям, якія прынялі Першую Камунію, каб гэты дзень быў для іх сапраўды вельмі радасным і каб радасць сустрэчы з Хрыстом у Эўхарыстыі паўтаралася ў іх жыцці як мага часцей.
Добро пожаловать в реальность!