У Жодзіна з 4 па 6 лістапада пройдзе другая сустрэча хрысціянскіх музыкаў «Грай Пану». З ініцыятывай такіх сустрэч выступілі ўдзельнікі евангелізацыйнага праекту «Рыбы», якія і правялі першую сустрэчу 10-12 сакавіка. Больш за 70 чалавек дзяліліся адзін з адным досведам, музыкай і разам маліліся падчас сустрэчы. Гэтае спатканне аб'яднала ўсіх тых, хто займаецца музыкай, услаўляючы Бога, і прыцягнула не толькі удзельнікаў з Беларусі, але таксама з Украіны і Казахстану.
— «Грай пану» — гэта праект па фармацыі музыкаў, духоўнай і прафесійнай. Нарадзіўся ён, каб аб'яднаць хрысціянскіх музыкаў, стварыць падмурак ўзаемадапамогі і супрацоўніцтва, знайсці аднадумцаў і чэрпаць натхненне адзін у аднаго, — гавораць ўдзельнікі праекту «Рыбы».
Падчас майстэрні асобныя заняткі пройдуць з вакалістамі, хорамі, а таксама па групах — з барабаншчыкамі, клавішнікамі і гітарыстамі — і пачаткоўцамі, і ўжо дасведчанымі музыкамі. Вядома, што падчас з'езду адбудзецца прэзентацыя двух аўтарскіх песень.
— Прэзентацыя новых песень — свайго роду запрашэнне для музыкаў, паэтаў: развіваць сваю творчасць, якім яны ўслаўляюць Бога. Пачынаючым аўтарам дапамогуць ўдзельнікі праекту «Рыбы». І, магчыма, гэтыя новыя песні стануць часткай трэцяга альбома праекту, — падзяліўся кусташ санктуарыя Фацімской Божай маці Міхаіл Цвячкоўскі МІС.
У заключэнні трохдзённай сустрэчы хрысціянскіх музыкантаў 6 лістапада у 15.00 у Жодзінскім санктуарыі адбудуцца імша і канцэрт, на якім музыкі пакажуць тое, чаму навучыліся за гэты час.
Подпишитесь на
канал ex-press.live
в Telegram и будьте в курсе самых актуальных событий Борисова, Жодино, страны и мира.
Добро пожаловать в реальность!
Добро пожаловать в реальность!
Если вы заметили ошибку в тексте новости, пожалуйста, выделите её и нажмите
Ctrl+Enter