«На вольных прасторах»: у Жодзіна адкрылася выстава наватарскіх карцін

У Жодзінскай мастацкай карціннай галерэі адбылося адкрыццё выставы «На вольных прасторах» творчай суполкі «Абуджэнне». Мастакі правялі для ўсіх гледачоў майстар-клас па маляванню партрэтаў і нацюрмортаў з натуры. Выстава будзе доўжыцца да 30 чэрвеня.

Адкрыцце сонечнай і жанрава разнастайнай выставы «На вольных прасторах», якая аб’ядноўвае мастакоў рознага творчага дыяпазону, адбылося у карціннай галерэі горада Жодзіна. Мастакі суполкі «Абуджэнне» прадставілі гледачам наватарскія карціны пейзажнага жанру, а таксама працы пра гісторыю краіны. Акрамя гэтых галоўных матываў, тут прысутнічаюць таксама і карціны, звязаныя з гісторыяй сусветнага мастацтва. Усіх удзельнікаў выставы характарызуе прага да свабоднага самавыражэння, жаданне ўнесці ў сучаснае мастацтва прыкметы новага ў творчым адкрыцці свету.

Мастак, мастацтвазнаўца, сябра Беларускага саюза мастакоў, прафесар

Беларускай акадэміі мастацтваў, арганізатар і удзельнік шматлікіх

выстаў у Беларусі і замежжы Яўген Шунейка.

Мастак, рэстаўратар, педагог, удзельніца міжнародных мастацкіх

праэктаў у Гішпаніі Яўгенія Сушкевіч.

Мастак і дызайнер Хведар Ладуцька.

Мастак-карыкатурыст, сябра Беларускага саюза журналістаў, мастацкі

рэдактар і наместнік галоўнага рэдактара журнала «Вожык»

Аляксандр Каршакевіч.

Андрэй Лычкоўскі (на фота ў цэнтры) - настаўнік, жывапісец,

з 1986 году арганізатар і ўдзельнік шматлікіх выстаў.

Падчас адкрыцця выставы мастакі правялі майстар-клас па маляванню партрэтаў і нацюрмортаў з натуры, падзяліліся сваімі планамі на будучыню і ўражаннямі ад наведвання Жодзіна. Пасля завяршэння выставы ў канцы чэрвеня мастакі падораць шэраг сваіх твораў жодзінскаму музею і будуць далей вандраваць па Міншчыне.

EX-PRESS.BY

Если вы заметили ошибку в тексте новости, пожалуйста, выделите её и нажмите Ctrl+Enter

«На вольных прасторах»: у Жодзіна адкрылася выстава наватарскіх карцін

Необходима авторизация