Беларускія паэты шукалі ў Барысаве літаратурныя таленты

«Літаратурныя пілігрымы» ездзяць па ўсёй Беларусі, чытаюць вершы на беларускай мове, якія друкуюцца ў літаратурна-мастацкім часопісе «Верасень», тым самым пабуджаюць да роднай мовы, літаратуры. Прапануюць друкавацца ў часопісе, галоўным рэдактарам якога з’яўляецца Эдуард Акулін. 

«Верасень» – гэта не толькі літаратурны часопіс, а яшчэ і педагагічны, – пачаў размову са слухачамі Леанід Дранько-Майсюк. – Мы ездзім і шукаем таленты. Вось у савецкія часы была перадача на тэлебачанні «Алло, мы ищем таланты». І мы ездзім і шукаем таленты, толькі літаратурныя. Калі ў вас ёсць вершы, апавяданні, нарысы – дасылайце да нас, друкуйце. А калі няма – пачынайце з гэтага дня пісаць. Ёсць такое паняцце «нацыянальнае выхаванне», мы беларусы павіны захоўваць нашу родную мову. 

Я ў чацьвёртым класе склаў такі верш:

І вось з такого і пайшло ўсе». 

У кожным нумары часопісу з’яўляецца да дзесяці новых імёнаў. Але тут можна знайсці не толькі маладых аўтараў, ёсць і знакамітыя паэты:  Наста Кудасава, Юрка Буйнюк, Валянціна Восіпава.

«Калі дзе-небудзь на вуліцы ці ў метро гучыць песня на беларускай мове, я даю грошы, а калі чую песню на іншай мове – то не, бо за беларускае я згодны плаціць», –  так Леанід ставіцца да беларускіх песен.

Эдуард Акулін выканаў для слухачоў свае песні. «У мяне ёсць зборнік, які я выпусціў у свет на свой юбілей. Тут сабраныя вершы, якія я напісаў за 33 гады, – у перапынках паміж спевамі распавядаў Эдуард. – У гэтым зборніку разам с вершам можна ўбачыць і здымак мяне ў тым годзе, маладога, напрыклад».

Скончылася сустрэча раздачай аўтографаў і сумеснымі здымкамі. Усе жадаючыя маглі набыць зборнікі вершаў Эдуарда і Леаніда, часопіс «Верасень», дыскі з песнямі Акуліна.