Кароткаметражная работа Яўгена Лыткіна «Фінальнае выпрабаванне» адабрана ў конкурсную праграму 23-га міжнароднага фестывалю Neisse Film Festival. Стужка будзе прадстаўлена ў секцыі кароткага метра ў Германіі.
Праект зняты беларускімі кінематаграфістамі ў эміграцыі ў мінулым годзе. У аснове сюжэту — напружаная і сімвалічная сітуацыя: у закрытым пакоі адбываецца іспыт без правільных адказаў, але з абавязковай умовай дасягнуць ідэальнага выніку. Гісторыя закранае тэмы маральнага выбару, ціску і асабістай адказнасці.
У фільме зняліся вядомыя акцёры — Алег Гарбуз і Святлана Зелянкоўская, а таксама музыкант Аляксей Бурнасенка, які з’яўляецца ў кадры.
Да стварэння карціны далучыліся прадзюсар Дзяніс Іваноў, аператар Valik і мантажор Міхаіл Васілевіч. Сцэнар напісаў сам Лыткін, які раней працаваў над праектам BFN:Live.
Сёлета арганізатары фестывалю атрымалі каля 1200 заявак, таму трапленне беларускай стужкі ў конкурс сведчыць пра яе высокую якасць і канкурэнтаздольнасць на міжнародным узроўні.
Паказы фільма запланаваныя на:
27 мая, 20:00 — кінатэатр Camillo ў Гёрліцы
31 мая, 13:00 — кінатэатр KunstBauerKino 2 у Гросхенэсдорфе
Neisse Film Festival — міжнародны кінафорум, прысвечаны кінематографу Цэнтральнай і Усходняй Еўропы. Ён праходзіць адразу ў трох краінах — Германіі, Польшчы і Чэхіі, з асноўнымі пляцоўкамі ў Цытаве, Гёрліцы/Згожальцы і Ліберацы.
Добро пожаловать в реальность!