Сядзіба ў Кішчына Слабадзе звязана з імёнамі вядомых людзей, якія пакінулі след у гісторыі Беларусі. Два тыдні таму барысавец Аляксей Сараеў і жыхары вёскі прывялі ў парадак помнікі, якія належаць роду Цюндзявiцкiх. У мінулую суботу ў Кішчынай Слабадзе чальцы Звязку Палякаў на Беларусі разам са Старшынёй адзялення ЗПБ у Барысаве Пані Алай Ніціеўскай (Ałła Nicijewska) запалілі знічкі ў памяць Цюндзявіцкіх.
Пані Ніціеўская, узяўшы слова, распавяла пра неабходнасць захоўваць агульную гістарычную спадчыну і падзякавала валанцёрам, мясцовым жыхарам, чальцам ЗПБ, якія прымалі ўдзел у упарадкаванні надмагілляў.
Пан Арцём Дудзін з роду Гоздзельскіх гербу Венява (Artsiom Dudzin z rodu Goździelskich herbu Wieniawa) распавёў аб агульнай гісторыі Беларусі і Польшчы, выказаў падзяку валанцёрам– Аляксею Сараеву, Ігару Руму, чальцам ЗПБ і мясцовым жыхарам за актыўны ўдзел у дзейнасці па захаванню гістарычнай спадчыны ў Кішчынай Слабадзе.
У мясцовай бібліятэцы чальцы ЗПБ сустрэліся са старшынёй сельскага савету Таццянай Слайкоўскай і дырэктарам Барысаўскай цэнтральнай раённай бібліятэкі Алёнай Капыток.
Вырашаліся пытанні аб далейшым лёсе сядзібы Цюндзявіцкіх. Было дамоўлена сумесна звярнуцца да старшыні беларускага добраахвотнага таварыства аховы помнікаў гісторыі і культуры Антона Астаповіча.
Добро пожаловать в реальность!