У межах курсаў сучаснай беларускай мовы «Мова нанова» 4 снежня Міхаіл Волчак з каманды «Мапы заўтрашняга дня» наведаў барысаўчан. Ён расказаў жыхарам Барысава, што такое фаланстэр і як трапіць на мапу.
У 16 іншых гарадах Беларусі ўжо адбылася прэзентацыя мапы. Сярод першых гарадоў былі Бабруйск, Орша, Браслаў, Глыбокае, Брэст, Ліда, Мазыр, Пінск, Гомель і інш. 17-м горадам стаў наш родны Барысаў.
Пра праект
Фаланстэр — гэта аб’яднанне сацыяльных гікаў або сацыятэхнікі для рэалізацыі грамадскіх і моладзевых праектаў.
Мапа заўтрашняга дня — гэта інтэрактыўная карта, дзе кожны можа пакідаць інфармацыю пра грамадскія ініцыятывы з розных куткоў Беларусі, а таксама шукаць партнёраў ці магчымасці валанцёрства.
У Міхаіла была гадзіна часу, каб зразумець, што жыхары б хацелі, каб рэалізоўвалася ў нашым горадзе, а таксама патэнцыял тых каштоўнасцяў, якія ўдзельнікі чакаюць. Каманда фаланстэра за тое, каб людзі зразумелі агульнае, распавялі, якую бачаць рэчаіснасць, бо гэта будзе «наша агульнае заўтра»:
— Мы імкнемся не толькі размаўляць пра горад. Людзі могуць ведаць, што ў раёне адбываецца. Грамадскія ініцыятывы могуць быць і у маленькіх мястэчках.
Аказалася, што многія ведалі грамадскія ініцыятывы, якія намагаюцца рэалізаваць каштоўнасці.
Напрыканцы ўдзельнікам паказалі, якія ініцыятывы ўжо ёсць на мапе грамадскай дзейнасці, а таксама, як можна выкарыстоўваць мапу ў працэсе пошуку партнёраў.
Сярод самых вядомых барысаўчане назвалі ініцыятывы «Стымул да поспеху», «Правінцыя», «Будзь сабой», рэканструктарскія клубы, «Жыдовачка», «МЫзаТанцы»,«Inspired BY Барысаў» і іншыя.
Міхаіл Волчак пасля сустрэчы падзяліўся ўражаннямі з карэспантэнткай EX-PRESS.BY:
— Было даволі інтэнсіўна, бо часу вельмі няшмат. Людзі былі шчырыя і актыўныя. Гэта дае радасць і пазітыўную энергію. Хаця тэмы былі няпростыя: і жаданне больш празрыстай камунікацыі жыхароў з адміністрацыяй, і большыя магчымасці для моўных правоў, і стварэнне экскурсіi і брэнда гораду, і стварэнне адкрытай пляцоўкі для грамадскіх ініцыятыў горада. Бачна, што мары ў мясцовай супольнасці ёсць, значыць і будзе што на «Мапе заўтрашняга дня».
Добро пожаловать в реальность!