У суботу, 23 лістапада, у Барысаве адбудзецца 2 цікавых мерапрыемствы. Калі вы грамадскі актывіст/актывістка і маеце ідэі, але не ведаеце, дзе знайсці сродкі для іх рэалізацыі, то вам трэба наведаць круглы стол, які ладзіць Асамблея НДА. Эксперты распавядуць пра тое, дзе ў Беларусі грошы і як іх атрымаць.
Арганізатарка сустрэчы Алена Аўтушка распавяла пра круглы стол:
— Круглыя сталы па пошуку фінансавання для рэалізацыі ідэй ўжо прайшлі ў некаторых гарадах Беларусі, і барысаўская жаночымі арганізацыя «Правінцыя» падхапіла прапанову Асамблеі недзяржаўных арганізацый правесці падобны круглы стол у Барысаве. Эксперты прэзентуюць беларускі і польскі вопыт пошуку спонсараў. Мы спадзяемся, што атрыманая на круглым стале інфармацыя дапаможа ініцыятыўным творчым людзям шукаць і знаходзіць фінансы для рэалізацыі карысных для горада ідэй.
Папярэдняя праграма:
10:45-11:00. Вітальная кава. Рэгістрацыя.
11:00-11:20. Прэзентацыя Асамблеі НДА і праграмы. Знаёмства.
11:20-12:30. Прэзентацыя магчымасьцяў для пошуку рэсурсаў у Беларусі.
12:30-12.45. Кава-паўза.
12:45-13:45. Прэзентацыя польскага досьведу пошуку рэсурсаў.
13:45-14:00. Зваротная сувязь, абмен кантактамі.
Арганізатары кампэнсуюць выдаткі на праезд удзельніцаў і ўдзельнікаў з Мінскай вобласці пры ўмове карыстання грамадзкім транспартам і наяўнасці квіткоў у два бакі.
Рэгістрацыя па спасылцы:
Месца правядзення: прастора «Фабрыка», вуліца Даўмана, 78.
Алена распавяла, што з 15.00 да 18.00 яшчэ адбудзецца марафон нясумных лекцый:
— Лекцыі з поспехам праходзяць у сталіцы, а Барысаў чым горш? Мы таксама хочам праводзіць вольны час не толькі з цікавасцю, але і карысцю. Таму, калі Асамблея недзяржаўных арганізацый прапанавала нам правесці ў Барысаве марафон лекцый, мы з радасцю пагадзіліся. У Барысаў прыедуць самыя папулярныя лектары, на выступах якіх у Мінску збіраюцца аншлагі.
Гэта лекцыі пра тое, які ўнёсак робіць кожны чалавек у забруджванне навакольнага асяроддзя, як перастаць гэта рабіць, лекцыя пра тое, ці трэба хадзіць да псіхолага, у якіх выпадках і навошта, а таксама лекцыя пра тое, як мужчынам і жанчынам жыць у свеце і згодзе на гэтай планеце і не лаяцца за невынесенае смецце і за невялікую зарплату.
Лекцыі — выдатная магчымасьць адкрыць для сябе новыя грамадска-карысныя тэмы, пераасэнсаваць унутраныя стэрыятыпы і знайсьці аднадумцаў.
Якія выступы вас чакаюць?
«Жыццё без смецця: міф ці рэальнасць?», Марыя Сума;
«Як клапаціцца пра ментальнае здароўе, і чаму гэта — самае важнае», Таня Аліпчыкава;
«Чаму фэміністкі так прыгнятаюць мужчын?», Дар’я Афанасьева.
Падрабязней пра выступоўцаў і іх лекцыі чытайце ў Instagram Асамблеі НДА.
Месца правядзення: прастора «Фабрыка», вуліца Даўмана, 78.
Подпишитесь на канал EX-PRESS.BY в Telegram и будьте в курсе самых актуальных событий Борисова, Жодино, страны и мира. Добро пожаловать в реальность!
Добро пожаловать в реальность!