Фільм «Чароўныя нажнічкі» зняты барысаўчанамі ў нашым горадзе без якога-небудзь фінансавання і выключна дзякуючы энтузіязму ўдзельнікаў аўтарскага калектыву.
Гэта чорна-белае мастацкае нямое кіно. Яго дэманстрацыя суправаджаецца жывой музыкай у выкананні невялікага аркестра, сабранага спецыяльна для фільма.
Фільм зняты па сцэнары барысаўчанкі Anna Avota па матывах габрэйскіх народных казак. Яна ж стала і рэжысёрам «Чароўных нажнічак».
У творчым багажы прафесійнага рэжысёра Наталлі Голавой ёсць некалькі дакументальных фільмаў, якія дэманстраваліся на экранах Беларусі, Латвіі, Польшчы, а таксама гульнявы тэлесерыял «Школа», які здымаўся на студыі кабельнага тэлебачання «Скіф».
Цікава, што перадумовай стварэння стужкі стала забарона адміністрацыі горада: калектыву не дазволілі танчыць у старым дворыку.
У Наталлі была ідэя — зрабіць у калісьці габрэйскім квартале адкрытую культурную пляцоўку і праводзіць там разнапланавыя мерапрыемствы. У гэтым двары знаходзіцца будынак, дзе праходзяць танцавальныя заняткі. Падрыхтаваны праект па рэканструкцыі панадворка і аднаўлення там атмасферы Барысава пачатку 20-га стагоддзя аднеслі ў выканкам, дзе атрымалі абсурдны адказ — ідзіце танцаваць у парку, а ў двары — нельга. Чаму і пры чым танцы ў парку да гістарычнага праекта, не патлумачылі. Тады і ўзнікла думка ўвасобіць праект кінематаграфічнымі сродкамі.
Прыходзьце 8 кастрычніка дакрануцца да мастацтва, створанага энтузіястамі нашага правінцыйнага гарадка.
Нямое кіно будзе суправаджацца жывым выступам жаночага калектыву «Жыдовочка».
Уваход вольны, аднак усе жадаючыя могуць пакінуць узнагароджанне для выступоўцаў.
Працягласць фільма: 60 хвілін.
Месца: Ірландскі паб, Ватуціна, 32 а.
Пачатак: 19.00.
Добро пожаловать в реальность!