Ужо сёння, 5 снежня, у Ірландскім пабе адбудзецца монаспектакль «Дарожка мая…» у выкананні беларускага музыкі, кампазітара, фалькларыста, пісьменніка і выкладчыка Івана Кірчука.
Лідар гурта «Этна-трыа Троіца» і дацэнт кафедры тэорыі і методыкі выкладання мастацтва БДПУ ім. М. Танка зноў прыедзе ў Барысаў, каб прэдэманстраваць усю прыгажосць беларускага фальклору.
«Дарожка мая…» — аўтарская праграма Івана Кірчука, створаная па матэрыялах беларускага фальклору. Гэта сінтэз духоўнай і матэрыяльнай, абрадавай і магічнай, музычнай і песеннай спадчыны беларускай культуры, назапашаннай за 30 год творчай дзейнасці.
Праз прызму вопыту аўтар звярнецца і данесе першародны, чысты, сапраўдны фальклор, яго багацце і мудрасць. На сцэне імправізацыйна прагучаць каля 20 беларускіх народных песень, запісанных падчас фальклорна-этнаграфічных экпедыцый 1983-2003 гг., выбраных з фоналабараторыі Рэспубліканскага радыё, з архіваў НАН РБ.
Вы ўбычыце струнныя, ударныя і духавыя інструменты: беларускія смык і ліру, сібірскія гуслі і металічныя пласціны Сціва Хаббэка, чаны з Тыбету і Непала, разнастайныя дудкі, жалейкі, акарыны, маладзечанскі касцельны звон. Пачуеце музычны строй такіх побытавых рэчаў, як чыгункоў, падкоў, нават простыя камяні і капыткі коз будуць размаўляць з вамі на даступнай мове гукаў.
Разам з Іванам Кірчуком барысаўчане пройдуць каляндарны шлях жыцця чалавека, стануць удзельнікамі тэатралізаванай рэканструкцыі даўніх абрадаў і свят, пабачаць рытуалы ўсхвалення Вады, Агню і Зямлі. І — найгалоўнейшае — змогуць аддзячыць сваім Продкам.
Праграма «Дарожка мая…» будзе цікава не толькі дарослым, але і навучэцам, дзецям, якія толькі пачынаюць вывучаць родную мову і культуру.
Пачатак а 19:00.
Адрас: вуліца Ватуціна, 32а.
Добро пожаловать в реальность!