Кніга прозы барысаўчаніна выйшла ў Мінску

Аляксандр нарадзіўся ў Барысаве, значаную частку жыцця правёў у нашым горадзе, працаваў журналістам у газетах «Трыбуна» (шматтыражка Барысаўскага завода аўтатрактарнага электраабсталявання) і «Камуністычная праца» (так некалі называлася «Адзінства»). У 1985 годзе ён пераехаў у Мядзел, дзе да апошняга часу быў загадчыкам аддзелу ў мясцовай раёнцы «Нарачанская зара».

Кніга паэзіі Аляксандра Быкава «За межы круга» была адзначана ў мінулым годзе рэспубліканскай літаратурнай прэміяй «Залаты купідон».

Але зараз Аляксандр парадаваў прыхільнікаў ягонага таленту прозай. У невялікую кніжку «Бабуліны макі» увайшлі аповеды, замалёўкі, навелы, абразкі, сюжэтам для якіх сталі ў большасці насельнікі адной з вёсак роднай Барысаўшчыны. Увайшлі ў кнігу і іншыя творы, за якімі зноў жа, незабыўныя гады маленства і юнацтва.