Заснавальнік інтэрнэт-бібліятэкі і дырэктар выдавецтва Яраслаў Іванюк расказаў на сваёй старонцы ў Фэйсбуку пра наступствы хакерскай атакі.
У выніку хакерскага нападу парушаная праца беларускай інтэрнэт-бібліятэкі Kamunikat.org. Пра гэта паведаміў у каардынатар праекту выдавец Яраслаў Іванюк, перадае Свабода.
Зламысьнікі атакавалі сайт у ноч на 7 красавіка.
«Kamunikat.org ня вытрымаў хакерскай атакі. На гэты момант сайт не працуе. Трэба прызнаць, што атака зьнішчыла больш чым 25-гадовую працу многіх людзей, але мы не здаемся», — напісаў Яраслаў Іванюк.
Ён дадаў, што Kamunikat.org ва ўмовах узмацненьня рэпрэсіяў супраць беларускай культуры і мовы быў ня толькі бібліятэкай, але і інструмэнтам аховы культурнай спадчыны, а таксама плятформай, якая падтрымлівае свабодны доступ да ведаў і незалежнай творчасьці.
«Будзем змагацца і адбудуем адзін з найважнейшых незалежных архіваў беларускай культуры! Ня выключана, аднак, што зойме гэта шмат часу», — заявіў Яраслаў Іванюк.
Беларускай інтэрнэт-бібліятэцы Kamunikat.org, якая была заснаваная і папаўняецца ў Беластоку, летась споўнілася 25 гадоў. Яе наведнікі — пераважна беларусы. Акрамя інтэрнэт-бібліятэкі «Камунікат», Яраслаў Іванюк пазьней стварыў аднайменнае выдавецтва.
Добро пожаловать в реальность!