Упаўнаважаны ўрада ФРГ па правах чалавека Маркус Лёнінг вёз Аляксандру Лукашэнку пасланне ад міністра замежных спраў Германіі Гіда Вестэрвэле.
Як паведамляе «Радыё Свабода», улады Беларусі адмовілі ва ўездзе Маркусу Лёнінгу.
Паводле Міністэрства замежных спраў Германіі, Лёнінг планаваў сустрэцца тут з актывістамі праваабарончых арганізацый, наведаць у турме лідэра «Вясны» Алеся Бяляцкага, а таксама перадаць Аляксандру Лукашэнку пасланне ад міністра замежных спраў Германіі Гіда Вестэрвэле.
Associated Press са спасылкай на словы Лёнінга, паведамляе, што ў лісце Вестэрвэле змяшчаўся заклік да «гуманітарнага вырашэння» асобных крымінальных спраў, як мяркуецца, у дачыненні да палітвязняў.
«Я вельмі шкадую, што мне не рады ў Мінску», — адзначыў амбудсмэн. Паводле яго, урад ФРГ, тым не менш, і далей будзе прыкладаць намаганні для ўмацавання правоў чалавека ў Беларусі.
Добро пожаловать в реальность!