Крэатыўны пошук лагатыпу правоў чалавека

Ёсць сімвалы, якія ведаюць амаль усе: сэрца – сімвал кахання, а белы голуб сімвалізуе мір. Але які сімвал увасабляе правы чалавека? Адказ просты: такога лагатыпу няма. Яшчэ няма, таму што зараз праводзіцца міжнародны конкурс, які і павінен гэта выправіць.

Да 31 ліпеня 2011 г. зацікаўленыя і крэатыўныя людзі з усяго свету могуць прадставіць свае прапановы або пракаменціраваць і ацаніць ідэі іншых. Усе прадстаўленыя праекты публікуюцца на інтэрнэт-сайце www.humanrightslogo.net.

Гэта інтэрнэт-платформа створана дзевяццю дзяржавамі, якія падтрымліваюць дадзеную ініцыятыву: Боснія і Герцагавіна, Германія, Канада, Маўрыкій, Сенегал, Сінгапур, Уругвай, Чэхія і Чылі.

Журы

У склад журы разам з міністрамі замежных спраў дзевяці краін-партнёраў уваходзяць шматлікія выдатныя асобы, як, напрыклад, чатыры лаўрэаты Нобелеўскай прэміі міру Аўн Сан Су Чжы, Шырын Эбадзі, Мухамад Юнус і Міхаіл Гарбачоў, Вярхоўны камісар ААН па правах чалавека Наванетхем Пілэй, а такcама вядомыя эксперты па дызайне і многія іншыя.

Лагатып-пераможца

Лагатып-пераможца будзе прадстаўлены ў Нью-Йорку ў канцы верасня 2011 г. Аўтар лагатыпа-пераможцы атрымае прэміяльныя ў памеры 5.000 еўра, а аўтары праектаў, якія зоймуць другое і трэцяе месца, узнагароджваюцца адпаведна 3.000 і 1.000 еўра.

Запрашаем да ўдзелу ў конкурсе!

Больш падрабязная інфармацыя на сайце www.humanrightslogo.net 

(Аб'ява Пасольства Германіі ў Мінску, www.minsk.diplo.de)