У жодзінскім санктуарыі адбудзецца ХІ нацыянальная пілігрымка сем’яў

16 верасня у Жодзіне адбудзецца ХІ Нацыянальная пілігрымка сем’яў. Сход у санктуарыі Маці Божай Фацімскай пройдзе пад дэвізам “Фаціма — заклік да асвячэння сем’яў”. У год, калі ўвесь каталіцкі свет адзначае 100-годдзе зʼявы Божай Маці ў Фаціме(Партугалія), семʼі беларускіх каталікоў збяруцца, каб разам маліцца ў інтэнцыі міру. У пілігрымцы ў санктуарыі Маці Божай Фацімскай у Жодзіне, прыме ўдзел 150 сем'яў з усёй Беларусі. Урачыстую святую Імшу ўзначаліць мітрапаліт Мінска-Магілёўскі, арцыбіскуп Тадэвуш Кандрусевіч.

10.00-11.00 — рэгістрацыя пілігрымаў;

11.00 — прывітанне пілігрымаў;

11.30 — канферэнцыя;

12.00 — Ружанец сем’яў у інтэнцыі міру;

13.00 — урачыстая святая Імша (узначаліць арцыбіскуп Тадэвуш Кандрусевіч, Мітрапаліт Мінска-Магілёўскі);

14.30 — абед;

15.30 — Вяночак да Божай Міласэрнасці;

16.30 — благаслаўленне на заканчэнне.