В жодинских официальных социальных сетях появился призыв к горожанам — жаловаться в чат-бот на медицинских работников. Теперь и газета «Адзінства» призывает жителей Борисовского района делать то же самое.
Читатели EX-PRESS.LIVE поделились своими мнениями об этой инновации. Среди них и те, кто уехал из Беларуси, и врач с многолетним опытом.
Ольга:
— Я з тых, хто з'ехаў і разумею, што з-за мяжы ругаць — тое яшчэ глупства. Але я таксама шмат гадоў хадзіла ў гэтую Жодзінскую паліклініку, колькі скаргаў пісала, колькі разоў хадзіла да загадчыкаў/загадчыц. Атрымоўваецца так, што я павінна была б абрадавацца гэтай ініцыятыве. Але не атрымоўваецца.
Як тэсціроўшчык і спецыяліст па якасці ў сферы інфармацыйных тэхналогій, я бачу гэты працэс так: у нас прадукт — лайно. І мы робім апытанку ў канчатковых карыстальнікаў: скажыце нам, што вам не падабаецца?
Здавалася б, усё правільна, цудоўна нават, што вытворцы прадукту зацікаўленыя ў зваротнай сувязі. Гэта абавязковы складнік забеспячэння якасці. Абавязковы, але не адзіны. Ён можа дапамагчы знайсці нейкія дэталёвыя, індывідуальныя «багі» у сістэме, якія не змаглі прадугледзіць.
А для таго, каб зрабіць на самой справе якасны прадукт, мы павінны правяраць сістэму на іншым узроўні. І перад тым, як пытацца ў канчатковых карыстальнікаў (якія могуць не ведаць, напрыклад, а як яно павінна быць) павінна каб ПАСТАЯННА праводзіўся прафесійны маніторынг якасці, аўдыт, які вызначыць самыя крытычныя моманты і прафесійна адкажа на пытанне, адкуль яны бяруцца і што з гэтым рабіць.
Калі вярнуцца да паліклінікі, то «крытычным багам», які сходу можна было б убачыць, зʼяўляецца няхватка дактароў. Калі пафіксіць (выправіць) гэты баг — адпадуць шмат іншых, патэнцыйных, індывідуальных скаргаў, якія ў гэтай абʼяве прапануюць пісаць.
Я маю на ўвазе, што хутчэй за ўсё гэты чат будзе закіданы амаль што падобнымі па сэнсе скаргамі, прычына якіх — няма дактароў. На нейкія іншыя моманты людзі і ня змогуць звярнуць увагу.
Вяртаюся да думкі: такога аўдыту ніхто не праводзіць. Пра крытычны баг усе ведаюць, пра прычыны таксама здагадваюцца. Фіксіць (выпраўляць) яго ніхто не збіраецца. А ініцыятыва па збору зваротнай сувязі — фіктыўная імітацыя дзейнасці па забеспячэнню якасці, якая можа быць нават небяспечная, ілжыва пазітыўная, недастатковая.
Инга:
— Я б напісала каротка i проста – уся справа не ў дактарах, а ў кiраўнiцтве. Калi яшчэ дакладней – ва ўладзе, бо кiраўнiцтва бальнiц цалкам залежыць ад вышэйшых інстанцый. Яны стварылі гэту сістэму «аховы здароўя».
Таму трэба пачынаць зверху.
Настасся – доктар са шматгадовым вопытам:
— Прычытала. Захацела напісаць. Але што пісаць? Пра тое, што сістэма працуе толькі ў бок пакараць? Што за кожны камент у гэтым чат-боце кожнаму з медпрацаўнікоў «прыляціць»? І не грашовая прэмія, ці наўпрост заўвага, а будзе цэлы спектакль, дзе будуць «распінаць» на вачах усяго калектыву. Бывалі —ведаем.
Сыйдуць тыя, хто яшчэ застаўся.
У гэтым толькі адзіны плюс для галоўнага лекара любой установы: няма лекара — няма праблемы.
На ўсё заўвагі можна пісаць аднолькавыя адпіскі — няма фізічнай асобы. А астатняе — то праблемы вобласці ці грамадзян.
Добро пожаловать в реальность!