У жніўні 2020 года Віталя Тысева затрымалі падчас пратэстаў супраць рэжыму Лукашэнкі і жорстка збілі. У яго пачаў развівацца вельмі агрэсіўны анкілазіруючы спандыліт (аутаімунная хвароба злучальнай тканкі), зрасліся ўсе суставы хрыбетніка.
Пазванкі зрасліся, i зараз Віталь адчувае страшны боль, мае інваліднасць, і калі не зрабіць аперацыю, ўсё скончыцца страшна.
Віталь Тысеў — добры чалавек і верны сябар, муж, але зараз кожная секунда яго жыцця напоўнена болем і пакутамі. Віталь заўсёды дапамагаў кожнаму і працягвае дапамагаць.
У шпіталь пасля падзей 2020 года ён не пайшоў, бо асцерагаўся рэпрэсій з боку лукашэнкаўскіх службаў. Напярэдадні паўторнага затрымання ён паспеў з'ехаць у Польшчу.
Віталю тэрмінова патрэбная аперацыя па рэканструкцыі ўсяго хрыбетніка. Кошт аперацыі — 81 281 злотых (17,355€) + 30% (каля €5 000) трэба мець дадаткова на выпадак форс-мажорных абставін. Разам гэта каля €22 000.
Збор адкрыты: https://zrzutka.pl/46phux/pay
Віталь мае пасведчанне аб інваліднасці сярэдняй цяжкасці, але час працуе супраць яго, бо хвароба хутка прагрэсуе.
З дапамогай беларуса Крысціяна Шынкевіча атрымалася ўзяць пад кантроль аўтаімуналагічную запальную частку хваробы, але змены, якія ўжо паўсталі, можна вырашыць толькі хірургічна.
Ужо цяпер Віталь пакутуе ад страты рухомасці ўсяго хрыбетніка і цяжкасці дыхання ў выніку здушэння спіннога мозгу ў шыйным аддзеле і націску на дыхальныя шляхі і стрававод.
Без аперацыі гэта прывядзе да паралічу ўсіх неабходных для дыхання цягліц і смерці. Віталю цяжка есці, таму што хрыбетнік моцна сціскае гартань.
Віталю пагражае поўная страта рухомасці, цяжкая інваліднасць і смерць.
На сайце zrzutka.pl ўжо сабралi 1 619 zł (гэта 4% ад неабходнай сумы, што збipюць на сайце). Там трэба сабраць 35 000 злотых. Але агульная сума ў тры разы болей.
Падтрымайма беларуса!
Добро пожаловать в реальность!