Барысаўчане не толькі пашылі экаторбы за тры гадзіны, але і даведаліся аб правільным абыходжанні з адходамі, чаму пластык з маркіроўкай «3» небяспечны для чалавека, а таксама чаму важна адмовіцца ад аднаразовых пакетаў і пластыкавага посуду ўжо сёння.
Як зэканоміць 80 рублёў з экаторбай
Тканкавыя торбы, якія шылі яшчэ нашы матулі і бабулі, ва эпоху электрамабіляў і супертонкіх гаджэтаў застаюцца самым адэкватным, экалагічным і прагрэсіўным спосабам захавання планеты і свайго здароўя.
Адна экаторба можа замяніць каля 400 пластыкавых пакетаў. Гэта 400 патэнцыйна выратаваных птушак або любых жывёл, якія не заблытаюцца і не прымуць гэтыя пакеты за ежу.
Адна такая торба ў сярэднім служыць 2 гады, калі вы будзеце браць яе з сабой у краму, вы можаце зэканоміць каля 80 рублёў у год (40 даляраў).
Чаму замена поліэтыленавых пакетаў папяровымі не мае сэнсу
Аказваецца, запэцканыя прадуктамі папяровыя пакеты проста не перапрацоўваюцца. Калі выкарыстоўваць доўга-доўга-доўга пластыкавы пакет, то гэта больш экалагічна, чым кожны дзень хадзіць у краму з папяровымі.
«Шмат хто з вас бачылі ў крамах зялёныя біяраскладальныя пакеты. На іх абавязкова будзе намалявана дрэва, напісана бія. Хочацца верыць, што ён раскладаецца, — распавядае вядучая майстар-класа Аляксандра. — Біяраскладальнасці ва ўмовах Беларусі не існуе. Адзінае, што адбудзецца з гэтым пакетам, ён распадзецца на шмат дробных кавалачкаў, і ў такога пакета няма шанцаў быць перапрацаваным, гэтыя маленькія кавалачкі ні ўва што ў выніку не збяруцца. Птушкі будуць іх прымаць за ежу, рыбка з'есць кавалачак, рыбак зловіць яе, затым прадукт упакуюць у пластыкавую тару, і яна апынецца ў вас на стале. Не варта думаць, што такое не можа здарыцца з намі».
Экалагічнасць — гэта шматразовасць
Часам лепш выкарыстоўваць адзін пластыкавы пакет увесь год, чым кожны паход у краму выкарыстоўваць папяровыя пакеты. Вядучыя «Торба Шоу» адзначылі важнасць адмовы ад аднаразовых пакетаў і пластыкавага посуду.
Яркая, сімпатычная і кампактная замена такім пакетам — экаторба, якую варта насіць з сабой заўсёды, гэтак жа як тэлефон, пашпарт і ключы.
Як і дзе можна пашыць экаторбу
Вы можаце паўдзельнічаць у майстар-класе, які часта праходзіць у Мінску. Так, бліжэйшы адбудзецца ўжо 23 чэрвеня. Таксама дзяўчынкі прапануюць выбраць упадабаны камплект для пашыву экаторбы дома з інструкцыяй.
Задумайцеся пра прыроду і сваё здароўе ўжо сёння!
Добро пожаловать в реальность!