Нацыянальная музычная прэмія ў галіне эстраднага мастацтва

Гэты новы праект адбудзецца ў Беларусі ўпершыню. Ён праводзіцца па ініцыятыве Міністэрства культуры.
?
Мэта праекта — развіццё нацыянальнага эстраднага музычнага мастацтва, стварэння ўмоў для прасоўвання творчасці таленавітых выканаўцаў, павышэння прэстыжу беларускiх аўтараў, выканаўцаў i прадстаўнiкоў эстраднага музычнага мастацтва. Арганізатарамі праекта з’яўляюцца Міністэрства культуры і закрытае акцыянернае таварыства “Сталічнае тэлебачанне”.

Пераможцы будуць вызначацца па выніках іх дзейнасці за бягучы год.

Нацыянальная  музычная прэмія праводзіцца  па 16 намінацыях, пераможцаў у якіх вызначыць экспертны савет і тэлегледачы (Інтэрнэт- і sms-галасаванне): ”Лепшая песня года“, ”Лепшы жаночы вакал“, ”Лепшы мужчынскі вакал“, ”Лепшая музычная група“, ”Адкрыццё года“, ”Лепшы аўтар музыкі“, ”Лепшы аўтар слоў“, ”Лепшая песня на беларускай мове“, ”Лепшы альбом года“, ”Лепшы канцэрт года“, ”Лепшы кліп года“, ”Лепшы журналіст (музычны крытык)“, ”Лепшы прадзюсер“, ”За ўклад ў развіццё беларускай эстрады“, “Лепшы гастрольны тур”, “Зорачка года” (лепшы юны выканаўца).

Кульмінацыя конкурсу – урачыстая цырымонія ўручэння Прэміі, якая пройдзе 13 снежня ў вялікім зале Палаца Рэспублікі. Пераможцы атрымаюць спецыяльны прыз, дыплом і грашовую прэмію.

Конкурсныя матэрыялы накіроўваюцца ў Маладзёжны тэатр эстрады (220007, г.Мінск, вул.Маскоўская, 18а). Тэрмін прадастаўлення матэрыялаў з 1 мая да 15 лістапада 2011 года. З умовамі конкурсу можна азнаёміцца на сайце Міністэрства культуры www.kultura.by і Маладзёжнага тэатра эстрады www.estrada.by