Актывісты з Польшчы, Беларусі і Украіны прыдумалі і арганізавалі Фестываль свядомага спажывання ў Варшаве. Беларуска Яна даведалася пра яго праз тэлеграм-канал эмігрантаў, і для яе гэта стала адной з самых яскравых падзей канца 2024 года.
— На фестывалі абмяркоўвалі сучасныя тэндэнцыі спажывання, а таксама праводзілі майстар-класы і кансультацыі, якія дапамаглі ўдзельнікам паглыбіцца ў гэтыя важныя тэмы, — кажа Яна.
— Было шмат разнастайных майстар-класаў і кансультацый. Напрыклад, на «Кансультацыях па чытанні этыкетак прадуктаў» удзельнікі вучыліся выбіраць прадукты, якія не шкодзяць ні здароўю, ні навакольнаму асяроддзю.
Яна даведалася, што бяздумнае спажыванне — гэта мінулае. Самым жа папулярным відам рэсайклінгу ў свеце лічыцца перапрацоўка старых джынсаў.
Ідэі для творчасці: другі шанец для джынсаў
З джынсаў можна зрабіць шмат чаго:
— летнія шорты, спадніцу, сарафан, куртку, камізэльку, сукенку ці фартух;
— упрыгожыць іх карункамі, уставіць карсет ці зрабіць модныя дзіркі;
— вырабіць фіранкі, дэкараваць фотарамкі, абнавіць мэблю.
Цацкі і традыцыйныя беларускія лялькі
З кавалкаў белай тканіны і чырвоных нітак атрымалася традыцыйная беларуская лялька-мотанка.
Са шкарпэтак, нават былых у ўжытку, можна зрабіць снегавіка.
Вялікі інтарэс выклікаў майстар-клас па стварэнні навагодніх вянкоў.
— Гэта і новыя веды, і цудоўны досвед, які надоўга застанецца ў памяці..., — кажа беларуска.
Даслаць навіну: @ex_presslive
Добро пожаловать в реальность!