Ужо некалькі месяцаў у Берліне працуе выстава беларускіх мастакоў у выгнанні «Часам я трымаюся за паветра», назва якой паходзіць ад назвы верша паэткі Вольгі Гапеевай, якая цяпер жыве ў эміграцыі ў Нямеччыне.
На выставе «Часам я трымаюся за паветра. Беларускія мастакі ў выгнанні» свае творы прадставілі: Аляксандр Адамаў, Разаліна Бусел, Анастасія Пальчукевіч, Васіліса Паляніна, Леся Пчолка, Надзя Саяпіна, Антаніна Слабодчыкава, Варвара Суднік, Аляксей Талстоў.
У нядзелю, 5 траўня, у Берліне адбылася экскурсія па выставе для беларускіх дзетак і іх бацькоў.
Немалая частка экспанатаў — фотаздымкі, відэаролікі і аўдыёсуправаджэнне. Мастакі закранаюць тэмы рэпрэсій у Беларусі і жыццё пасля таго, як апынуліся ў эміграцыі.
Куратар выставы, мастак і настаўнік Уладзімір Грамовіч правёў экскурсію для дзяцей і іх бацькоў.
Пасля экскурсіі па выставе адбыўся плэнэр-пікнік у парку перад галерэяй. Дзеці і бацькі малявалі ўражанні ад выставы.
Даслаць навіну: @ex_presslive
Добро пожаловать в реальность!