На жаль, як і чакалася, праз прызму выказваньняў Віктара Бабарыкі і Калесьнікавай нашыя палітычныя саюзьнікі (перад усім украінцы) пачынаюць глядзець на ўсю дэмакратычную супольнасьць і апазіцыю, як (лагодна) прарасейскую, ненацыянальную, піша палітолаг Павел Усаў.
Чамусьці не бяруцца пад увагу выказваньні Лабковіча, Бяляцкага. Нейяк раптоўна з інфармацыйнай прасторы знік Полк Каліноўскага (як базавай пазіцыі дэмакратычнай супольнасьці), неўзгадваецца прынцыпова катэгарычная пазіцыя Пазьняка і Вольнай Беларусі. Есьць толькі нібы Бабарыка, як адлюстраваньне ўсяго апазіцыйнага руху да і пасьля 2020.
Бачна, што на гэта рабіўся асноўны ўпор, калі Бабарыку вывозілі ва Украіну. Разлік спраўдзіўся і стаўся медыйным землятрусам. І тут абсалютна не мае значэньне матывацыя Бабарыкi (палітычная і гуманітарная), яго словы і вобраз пераносіцца на ўсе грамадства і цалкам выкрэсьліваецца нацыянальнае ядро. І вось гэта небясьпечна.
На фоне так званай прарасейскай апазіцыі, эвалюцыя адносінаў з Лукашэнкам будзе выглядаць лагічнай і прымальна. Бо, па сутнасьці, якая розьніца, і тыя і тыя расейскія актывы. Адзінае, што ў Лукашэнка ўлада, ён прымае рашэньне. А палітычная філасофія аднолькавая.
І сапраўды, аб’ектыўна мы ў сітуацыі, калі апазіцыю 20/20 падтрымліваць вельмі небясьпечна, бо няма ўпэўненасьці ў тым, якія погляды і сьветапогляд у гэтых людзей (у знакавых фігурах Бабарыка, Калесьнікава, Цапкала, Ціханоўскі (ая), яна ненацыянальня, непрабеларуская.
Пры неабходнасьці гэтая пазіцыя можа ўбудоўвацца ў новую каньюнктуру, без глыбіннай трансфармацыі.
Ва ўмовах перамен, калі раптоўна гэтыя структуры прыдуць да ўлады - яны стануць расейскай катвіцай утрыманьня Беларусі.
Беларускія апазіцыйныя СМІ самі сталі механізмам папулярыўацыі ненацыянальных лідэраў, умацоўвалі міфалогію і ідэалагічную пустэчу, і такім чынам, фактычна цалкам выдавілі з прасторы нацыянальныя палітычныя наратывы. Пытаньне, чым яны будуць займацца далей: адбельваць пазіцыю "ня ўсе так адназначна" і ствараць новыя міфы, ці ўсе ж нацыянальныя інтарэсы паставяць вышэй за "сярдэчкі"?
Добро пожаловать в реальность!